ரோஹித்தாக விஜய் சேதுபதி.. அப்போ ஹர்திக், ஜடேஜாவாக? தமன்னாவின் சாய்ஸ் இதுதான்!
நடிகை தமன்னா கிரிக்கெட் வீரர்களின் பயோபிக்கில் நடிக்கும் தமிழ் நடிகர்கள் குறித்த தனது விருப்பத்தை தெரிவித்துள்ளார்.
ஆசிய கோப்பை
ஆசிய கோப்பை 2023 கிரிக்கெட் தொடரை இந்தியா மற்றும் பாகிஸ்தான் இனைந்து நடத்துகிறது. இந்த தொடரின் சூப்பர் 4 சுற்றில் நடந்த கடைசி லீக் ஆட்டத்தில் இந்தியாவும், வங்காளதேசமும் மோதின. இந்த ஆட்டத்தில் டாஸ் வென்ற இந்திய அணியின் கேப்டன் ரோகித் சர்மா பந்துவீச்சை தேர்வு செய்தார்.
ஆட்டத்தின் தொடக்கம் முதல் இந்திய அணியின் பந்துவீச்சை சமாளிக்க முடியாமல் வங்காள தேச அணி தடுமாறியது. பேட்டிங் முடிவில் வங்கதேச அணி 8 விக்கெட் இழப்பிற்கு 265 ரன்கள் எடுத்தது. சிறப்பாக பேட்டிங் செய்து ஷகிப் அல் ஹசன் 80 ரன்களும், டவ்ஹித் ஹ்ரிடோய் 54 ரன்களும் நசும் அகமது 44 ரன்களும் , மகேதி ஹசன் 29 ரன்களும் குவித்தனர்.
இந்தியா சார்பில் ஷர்துல் தாகூர் 3 விக்கெட் , முகமது ஷமி 2 விக்கெட் வீழ்த்தினர். இதனைத் தொடர்ந்து 266 ரன்கள் என்ற இலக்குடன் காலம் இறங்கிய இந்திய அணி 49.5 ஓவர்களில் அனைத்து விக்கெட்டுகளையும் இழந்து 259 ரன்கள் எடுத்து தோல்வியை சந்தித்தது. சிறப்பாக பேட்டிங் செய்து சுப்மன் கில் 133 பந்துகளில் 121 , அக்சர் பட்டேல் 42, சூர்யகுமார் யாதவ் 26 ரன்கள் எடுத்திருந்தனர்.
தமன்னா
முதல் இரு ஆட்டங்களில் பாகிஸ்தான், இலங்கையை துவம்சம் செய்த இந்திய அணி ஏற்கனவே இறுதிப்போட்டிக்கு தகுதி பெற்று விட்டது. எனவே இந்த ஆட்டத்தின் முடிவு எந்த தாக்கத்தையும் ஏற்படுத்தாது.
இந்நிலையில் நேற்று நடந்த இந்த போட்டியின் இடைவெளியில் ஸ்டார் ஸ்போர்ட்ஸ் தொலைக்காட்சியில் நடத்தப்பட்ட நிகழ்ச்சியில் நடிகை தமன்னா சிறப்பு விருந்தினராகப் பங்கேற்றிருந்தார். அப்போது அவரிடம் "வீரர்கள் சிலரின் பெயரைக் குறிப்பிட்டு அவர்களின் பயோபிக்கில் யாரெல்லாம் நடிக்கலாம் என்று கேள்வி கேட்கப்பட்டது.
அதற்கு பதிலளித்த தமன்னா "ரோஹித் சர்மாவின் பயோபிக்கில் விஜய் சேதுபதியும், ஹர்திக் பாண்டியா பயோபிக்கில் தனுஷூம், ஜடேஜாவின் பயோபிக்கில் அல்லு அர்ஜுனும் நடித்தால் நன்றாக இருக்கும்" என கூறியுள்ளார் .
