தமிழர்களின் வீர விளையாட்டு: அவனியாபுரம் ஜல்லிக்கட்டு தொடங்கியது- நேரலை காட்சிகள்

தமிழர்களின் வீர விளையாட்டான ஜல்லிக்கட்டு போட்டிகள் அவனியாபுரத்தில் இன்று தொடங்கியுள்ளது. இதில், 430 வீரர்ர்களும், 788 காளைகளும் பங்கேற்க அனுமதி வழங்கப்பட்டுள்ளது.

கொரோனா பரவல் காரணமாக இந்த ஆண்டு ஜல்லிக்கட்டில் பங்கேற்கும் மாடுபிடி வீரர்களுக்கும், மாட்டின் உரிமையாளர்களுக்கும் கொரோனா பரிசோதனை நடத்தி முடிக்கப்பட்டுள்ளது. வீரர்கள், காளை உரிமையாளர்கள், பார்வையாளர்கள் என அனைவரும் முகக் கவசம் கட்டாயம் அணிந்து வர வேண்டும் என அறிவுறுத்தப்பட்டுள்ளது.

அவனியாபுரத்தை தொடர்ந்து 15ம் தேதி பாலமேட்டிலும், அதற்கு மறுநாள் அலங்காநல்லூரிலும் ஜல்லிக்கட்டு போட்டிகள் நடைபெற உள்ளன. இப்போட்டியை காங்கிரஸ் முன்னாள் தலைவர் ராகுல்காந்தி பார்வையிட உள்ளதால், பலத்த பாதுகாப்பு ஏற்பாடுகள் செய்யப்பட்டுள்ளன.