மாணவர்களே நோட் பண்ணுங்க.. இனி இந்த 4 சனிக்கிழமை நோ லீவ்!
சனிக்கிழமைகளில் பள்ளிகள் இயங்கும் என பள்ளிக்கல்வித் துறை அறிவித்துள்ளது.
மிக்ஜாம் புயல்
மிக்ஜாம் புயல் காரணமாக பெய்த கனமழையால் சென்னையின் பல்வேறு இடங்களிலும் மழை நீர் தேங்கி பொதுமக்கள் பெரும் பாதிப்புக்குள்ளாகினர்.
இதனால், சென்னை எர்ணாவூர், வேளச்சேரி, திருவொற்றியூர் உள்ளிட்ட பல்வேறு பகுதிகளில் வெள்ளம் பெருக்கெடுத்தது. அதனையொட்டி, ஒரு வார காலம் பள்ளிகளுக்கு விடுமுறை அளிக்கப்பட்டது.
பள்ளிகள் இயங்கும்
தற்போது, நிலைமை சீராகி பள்ளிகள் மீண்டும் திறக்கப்பட்டு செயல்பட்டு வருகிறது. இந்நிலையில், விடுமுறையை ஈடு செய்யும் வகையில், இனி வரும் 4 சனிக்கிழமைகளிலும் பள்ளிகள் இயங்கும் என மாவட்ட முதன்மை கல்வி அலுவலர் தெரிவித்துள்ளார்.
ஜனவரி 6 மற்றும் 20, பிப்ரவரி 3 மற்றும் 17ம் தேதிகளில் அனைத்துவகை பள்ளிகளும் செயல்படும். இந்த நாட்களில் விடுப்பட்ட பாடங்களை ஆசிரியர்கள் நடத்திகொள்ளலாம். அன்றைய தினம் மாணவர்கள் வருகை ஆசிரியர்கள் உறுதி செய்ய வேண்டும் எனவும் கூறப்பட்டுள்ளது.
