முதல்முறையாக வருகிறது 10 வழி சாலை; அதுவும் தமிழகத்தில்.. என்னென்ன சிறப்பம்சங்கள்!
10 வழி சென்னை அவுட்டர் சாலையின் பணிகள் நிறைவடையவுள்ளது.
பெரிஃபெரல் ரிங் ரோடு
தமிழ்நாடு மாநில நெடுஞ்சாலை துறையால் 132.87 கிமீ தூரத்திற்கு சென்னை பெரிஃபெரல் ரிங் ரோடு அமைக்கப்படவுள்ளது.
மாமல்லபுரத்தில் இருந்து காட்டுப்பள்ளி துறைமுகத்தை இணைக்கும் 10 வழி சென்னை அவுட்டர் சாலையின் பணிகள் இரண்டு கட்டமாக நிறைவடைந்து ஜனவரியில் போக்குவரத்துக்கு திறக்கப்படும் என்று தெரிவிக்கப்பட்டுள்ளது.
போக்குவரத்து நெரிசல்
போக்குவரத்து நெரிசலுக்கு தீர்வு காண, கிண்டி கத்திப்பாரா - மணலி இடையே 100 அடி சாலை, இருளியூர் - புழல் இடையே சென்னை புறவழிச்சாலை, வண்டலூர் - மீஞ்சூர் இடையே சென்னை புறவழிச்சாலை உட்பட பல முக்கிய சாலைகள் அமைக்கப்பட்டுள்ளன.
ரூ.12,301 கோடி செலவில், 10 வழி பாதைகள் (மெயின் சாலை 6 பாதைகள் + இருபுறமும் 2 சேவைப் பாதைகள்) கொண்ட மணிக்கு 120 கிமீ வேகத்தில் செல்லக்கூடிய நிலையில் அமைக்கப்படுகிறது.
இந்த ரோட்டில் இரு சக்கர வாகனங்கள் சர்வீஸ் ரோடுகளில் மட்டும் அனுமதிக்கப்படும். மெயின் சாலையில் இரு சக்கர வாகனங்கள் அனுமதிக்கப்படாது என்று அறிவிக்கப்பட்டுள்ளது.
தற்போது, கட்டுமானப் பணிகள் முழுவீச்சில் நடைபெற்று வரும் நிலையில், தொடர்ந்து 2வது கட்டப் பணிகள் நடைபெறும். மேலும், இங்கு திறக்கப்படும் முதல் 10 வழி சாலையாக இது மாறும் என்று எதிர்பார்க்கப்படுகிறது.
