மக்களவை தேர்தல் - தமிழக காங்கிரஸ் வேட்பாளர்கள் பட்டியல் வெளியீடு!

தமிழகத்தில் காங்கிரஸ் போட்டியிடும் 9 தொகுதிகளில் 7 தொகுதிகளின் வேட்பாளர்கள் பட்டியல் வெளியாகியுள்ளது.

மக்களவை தேர்தல்

2024 மக்களவை தேர்தல் நாடு முழுவதும் ஏப்ரல் 19-ம் தேதி தொடங்கி 7 கட்டங்களாக நடைபெற உள்ளது. தமிழகம் மற்றும் புதுவையில் ஏப்ரல் 19-ம் தேதி ஒரே கட்டமாக தேர்தல் நடைபெறுகிறது.

இதற்கான வாக்கு எண்ணிக்கை ஜூன் 4-ம் தேதி நடைபெறவுள்ளது. இதனை முன்னிட்டு தேர்தல் நடத்தை விதிகள் அமலுக்கு வந்துள்ளது. மேலும், தேர்தல் தேதி அறிவிக்கப்பட்டதால் தமிழக தேர்தல் களம் அனல் பறக்க ஆரம்பித்துவிட்டது. இந்நிலையில், தமிழகத்தில் காங்கிரஸ் போட்டியிடும் 9 தொகுதிகளில் 7 தொகுதிகளின் வேட்பாளர்கள் பட்டியல் வெளியாகியுள்ளது.

தமிழகத்தில் நேரடியாக மோதும் காங்கிரஸ் - பாஜக - எந்தெந்த தொகுதிகள்?

வேட்பாளர்கள் பட்டியல் 

அதன்படி கன்னியாகுமரி - விஜய் வசந்த், திருவள்ளூர் - சசிகாந்த் செந்தில், கிருஷ்ணகிரி - கோபிநாத், சிவகங்கை - கார்த்தி சிதம்பரம், விருதுநகர் - மாணிக்கம் தாக்கூர், கரூர் - ஜோதிமணி, கடலூர் - டாக்டர் விஷ்ணு பிரசாத் ஆகியோர் போட்டியிடுகின்றனர்.

ஏற்கெனவே புதுச்சேரியில் வைத்திலிங்கம் மீண்டும் போட்டியிடவுள்ளதாகவும் அறிவிக்கப்பட்டுள்ளது. மயிலாடுதுறை மற்றும் திருநெல்வேலி ஆகிய இரு தொகுதிகளின் பட்டியல் நாளை வெளியாகும் என்று எதிர்பார்க்கப்படுகிறது.