தமன்னாவுக்கு உலகின் 5-வது பெரிய வைரத்தை பரிசளித்த பிரபலம் - யார் தெரியுமா?
Vinothini
in பிரபலங்கள்
திரையுலக பிரபலம் ஒருவர் நடிகை தமன்னாவிற்கு விலையுயர்ந்த வைரத்தை பரிசாக கொடுத்துள்ளார்.
நடிகை தமன்னா
திரையுலகில் டாப் நடிகையாக இருப்பவர் நடிகை தமன்னா. இவர் தமிழில் கேடி என்ற படத்தின் மூலம் அறிமுகமானார். அதன்பின்னர் வியாபாரி படத்தில் நடித்தார் ஆனால் இவர் பெரிதளவில் பேசப்படவில்லை. அதன்பின்னர் இவர் கல்லூரி படத்தில் நடித்து ஹிட் கொடுத்தார்.
அதனைத் தொடர்ந்து பல படங்களில் நடித்து தமிழின் முன்னணி நடிகையாக வலம் வந்துகொண்டிருக்கிறார். தற்பொழுது தெலுங்கு மற்றும் ஹிந்தி படங்களில் நடித்து வருகிறார். சமீபத்தில் இவரது நடிப்பில் வெளியான லஸ்ட் ஸ்டோரீஸ் 2 என்ற வெப் தொடர் பல சர்ச்சைகளை கிளப்பியது. மேலும், நடிகர் ரஜினிகாந்துடன் ஜெயிலர் படத்தில் இவர் கவர்ச்சியாக ஆடிய நடனம் தற்பொழுது பேசப்பட்டு வருகிறது.
வைரம் பரிசு
இந்நிலையில், நடிகை தமன்னா உலகின் 5-வது பெரிய வைரத்தை வைத்துள்ளதாக தகவல் வெளியாகியுள்ளது. இந்த வைரத்தின் மதிப்பு மட்டும் ரூ.2 கோடி ரூபாய் என்று கூறப்படுகிறது. இந்த வைரத்தை, சிரஞ்சீவியின் மருமகளும்,ராம்சரணின் மனைவியுனா உபாசனா தமன்னாவிற்கு பரிசாக கொடுத்துள்ளார்.
தொடர்ந்து, இது சிரஞ்சீவியின் நடிப்பில் கடந்த 2019-ம் ஆண்டு வெளிவந்த சைரா நரசிம்மா ரெட்டி படத்தில், நடிகை தமன்னா ஒரு முக்கியமான கதாபாத்திரத்தில் நடித்திருந்தார். வரலாற்று பின்னணி கொண்ட இந்த படத்தை உபாசனா தயாரித்திருந்தார். அந்த படம் வெற்றி பெற்றதைத் தொடர்ந்து உபாசனா தமன்னாவுக்கு இந்த விலையுயர்ந்த வைரத்தை பரிசாக கொடுத்தது தெரியவந்துள்ளது.
