என் அப்பாவால் பாலியல் தொல்லை - குஷ்பு வரிசையில் மகளிர் ஆணைய தலைவி புகார்
அப்பாவால் பாலியல் தொல்லை ஏற்பட்டதாக டெல்லி மகளிர் ஆணைய தலைவி குற்றம் சாட்டியுள்ளார்.
ஸ்வாதி மாலிவால்
டெல்லியில் மகளிர் ஆணையம் சார்பில் நடைபெற்ற விருது வழங்கும் விழாவில் மகளிர் ஆணைய தலைவி ஸ்வாதி மாலிவால் பங்கேற்றார். அப்போது பேசிய அவர், "நான் சிறுமியாக இருந்தபோது எனது தந்தை என்னை அடிக்கடி அடிப்பார். என்னிடம் பாலியல் துன்புறுத்தலில் ஈடுபட்டார்.
அவர் வீட்டுக்கு வரும்போது நான் பயந்துபோய் கட்டிலுக்கு அடியில் மறைந்துகொள்வேன். பயத்துடனேயே கழித்த பல இரவுகளை இன்றும் நினைவுகூர்கிறேன். இதுபோன்ற கொடுமைகளுக்கு எதிராக பெண்களுக்கு எப்படி அதிகாரம் அளிப்பது என்று இரவெல்லாம் யோசித்திருக்கிறேன்.
பாலியல் தொல்லை
நான்காம் வகுப்பு படிக்கும் வரை தந்தையுடன் வசித்தேன். விருது பெற்ற பெண்களின் போராட்டம் தனது சொந்த போராட்டத்தை நினைவூட்டியதால், இந்த நிகழ்வு தன்னை உணர்ச்சிவசப்படச் செய்தது எனத் தெரிவித்துள்ளார்.
முன்னதாக நடிகை குஷ்பூ சிறுமியாக இருந்தபோது தந்தையால் பாலியல் துன்புறுத்தல் செய்யப்பட்டதாக கூறியது குறிப்பிடத்தக்கது.
