IPL 2024: தொடர் தோல்வியில் மும்பை; அணிக்கு திரும்பும் அதிரடி வீரர் - ரசிகர்களுக்கு ஆறுதல்!
Jiyath
in கிரிக்கெட்
மும்பை இந்தியன்ஸ் அணி வீரர் சூர்யகுமார் யாதவ், அடுத்த போட்டியிலிருந்து விளையாட வாய்ப்புள்ளதாக தகவல் வெளியாகியுள்ளது.
மும்பை இந்தியன்ஸ்
ஐபிஎல் கிரிக்கெட் தொடர் 2024 கடந்த 22-ம் தேதி தொடங்கி விறுவிறுப்பாக நடைபெற்று வருகிறது. இதுவரை நடந்து முடிந்த போட்டிகளின் அடிப்படையில், ராஜஸ்தான் முதல் இடத்திலும், கொல்கத்தா அணி இரண்டாவது இடத்திலும் உள்ளது.
கடைசி இரண்டு இடங்களில் ஆர்சிபி மற்றும் மும்பை அணிகள் உள்ளது. மும்பை இந்தியன்ஸ் அணி இதுவரை முதல் வெற்றியை பதிவு செய்யவில்லை. ஹர்திக் பாண்ட்யா தலைமையிலான அந்த அணி தோல்வியை மட்டும் சந்தித்து வருவது ரசிகர்களிடையே அதிருப்தியை ஏற்படுத்தியுள்ளது.
சூர்யகுமார் யாதவ்
இந்நிலையில் காயம் காரணமாக ஐபிஎல் தொடரில் பங்கேற்காத மும்பை இந்தியன்ஸ் அணி வீரர் சூர்யகுமார் யாதவ், அடுத்த போட்டியிலிருந்து விளையாட வாய்ப்புள்ளதாக தகவல் வெளியாகியுள்ளது. அவர் தேசிய கிரிக்கெட் அகாடமியின் உடல் தகுதிக்கான சோதனையில் தேர்ச்சி பெறாமல் இருந்து வந்தார்.
இந்நிலையில் அவர் உடல் தகுதியுடன் இருப்பதாக தேசிய கிரிக்கெட் அகாடமி தெரிவித்துள்ளது. இதனால் சூர்யகுமார் யாதவ் அடுத்த போட்டியில் களமிறங்குவார் என்று எதிர்பார்க்கப்படுகிறது.
