மாணவர்களுக்கு happy news; பள்ளிகளுக்கு கோடை விடுமுறை தொடக்கம் - திறப்பு எப்போது?
தமிழ்நாடு முழுவதும் இன்று முதல் பள்ளி மாணவர்களுக்கு கோடை விடுமுறை விடப்பட்டுள்ளது.
கோடை விடுமுறை
தமிழ்நாடு முழுவதும் 10ம் வகுப்பு மற்றும் 11,12ம் வகுப்பில் படிக்கும் மாணவ-மாணவிகளுக்கான பொதுத் தேர்வு நடந்து முடிந்துவிட்டது. இதை தொடர்ந்து, 1 முதல் 9-ம் வகுப்பு வரை பயிலும் மாணவர்களுக்கு இறுதி தேர்வு தொடங்கி நிறைவடைந்தது.
இந்த நிலையில் மக்களவை தேர்தலையொட்டி தேர்வை விரைந்தது முடிக்க கல்வித் துறை திட்டமிட்டு அதற்கேற்ப அட்டவணையும் வெளியிட்டது. அதன்படி கடந்த 12ம் தேதி நிறைவு பெறுவதாக இருந்தது.
ஆனால், ரமலான் பண்டிகை காரணமாக 4 முதல் 9ம் வகுப்பு மாணவர்களுக்கு நடக்கவிருந்த அறிவியல் மற்றும் சமூக அறிவியல் தேர்வுகள் 22 மற்றும் 23-ந்தேதிக்கு மாற்றப்பட்டது. இவர்களைத் தவிர 1 முதல் 3-ம் வகுப்பு வரையிலான மாணவர்களுக்கு கடந்த 6-ந்தேதியில் இருந்து கோடை விடுமுறை விடப்பட்டுவிட்டது.
திறப்பு எப்போது?
மாற்றிய அட்டவணைப்படி, 4 முதல் 9-ம் வகுப்பு வரையிலான மாணவர்களுக்கு முறையே அறிவியல், சமூக அறிவியல் தேர்வு நடந்து முடிந்த நிலையில், இன்று முதல் மாணவ-மாணவிகளுக்கு கோடை விடுமுறை தொடங்குகிறது.
விடுமுறை எப்போது முடிந்து பள்ளி திறக்கப்படும் என்பதை குறித்த பின்னர் அறிவிக்கப்படும் என கல்வித் துறை தெரிவித்துள்ளது. வருகின்ற ஜூன் 4-ந்தேதி தேர்தல் முடிவு வெளியாக உள்ளது.
அதற்கு பிறகே பள்ளிகள் திறக்கப்படுவதற்கான வாய்ப்புகள் இருப்பதாக சொல்லபடுகிறது. இருப்பினும், கோடை காலம் என்பதால் வெயிலின் தாக்கம் திகரித்து காணப்பட்டால் பள்ளிகள் திறப்பு மேலும் தாமதம் ஆவதற்கான சூழலும் ஏற்படும் என்று கூறப்படுகிறது.
