எந்த கிரிக்கெட் ஜாம்பவானும் செய்யாத ரெக்கார்டு - பிரம்மாண்ட சாதனை செய்த ஸ்டீவ் ஸ்மித்!
Sumathi
in கிரிக்கெட்
ஸ்டீவ் ஸ்மித் டெஸ்ட் போட்டிகளில் புதிய சாதனை படைத்துள்ளார்.
ஸ்டீவ் ஸ்மித்
இலங்கை காலே நகரில் இலங்கை கிரிக்கெட் அணிக்கு எதிரான முதல் டெஸ்ட் போட்டி நடைபெற்றது. இதில் ஆஸ்திரேலிய அணி முதலில் பேட் செய்தது.
தொடக்க வீரர்களான உஸ்மான் கவாஜா, டிராவிஸ் ஹெட் அதிரடியாக விளையாடினார்கள். தொடர்ந்து களமிறங்கிய ஸ்டீவ் ஸ்மித், கவாஜாவுடன் இணைந்து ரன்களை குவித்தார்.
பிரம்மாண்ட சாதனை
இதில் உஸ்மான் கவாஜா 135 பந்துகளில், ஒரு சிக்ஸர், 8 பவுண்டரிகளுடன் தனது 16-வது சதத்தையும், ஸ்டீவ் ஸ்மித் 179 பந்துகளில், ஒரு சிக்ஸர், 10 பவுண்டரிகளுடன் தனது 35-வது சதத்தையும் விளாசினர். ஆஸ்திரேலிய அணி 81.1 ஓவரில் 2 விக்கெட்கள் இழப்புக்கு 330 ரன்கள் எடுத்தது.
இருவரும் ஆட்டம் இழக்காமல் இன்று 2-வது நாள் ஆட்டம் நடைபெறுகிறது. ஆஸ்திரேலிய அணியின் கேப்டன் ஸ்டீவ் ஸ்மித் ஒரு ரன்னை எடுத்த போது சர்வதேச டெஸ்ட் கிரிக்கெட்டில் 10 ஆயிரம் ரன்கள் மைல் கல்லை எட்டியுள்ளார்.
இந்த சாதனையை நிகழ்த்திய 4-வது ஆஸ்திரேலிய வீரர் இவர். முன்னதாக ஆலன் பார்டர், ஸ்டீவ் வாஹ், ரிக்கி பாண்டிங் ஆகியோரும் 10 ஆயிரம் ரன்கள் மைல்கல்லை எட்டியிருந்தனர்.
