ரஹ்மான் இசையில் பாடியது இளையராஜாவுக்கு பிடிக்கவில்லை - வேதனையை பகிர்ந்த பாடகி!
Vinothini
in பிரபலங்கள்
பிரபல பாடகி இசையமைப்பாளர் ரஹ்மான் இசையில் பாடியதால் இளையராஜா ஒதுக்கிவிட்டதாக கூறி தன் வேதனையை பகிர்ந்துள்ளார்.
ஏ.ஆர்.ரஹ்மான்
பிரபல இயக்குனர் மணி ரத்னம் இயக்கிய ரோஜா படத்தின் மூலம் இசையமனைப்பாளராக அறிமுகமானார் ஏ.ஆர்.ரஹ்மான். அந்த படத்தின் அணைத்து பாடல்களும் ஹிட் தான். இந்த படத்திற்கு இவர் தேசிய விருது வாங்கினார்.
அதில் 'சின்ன சின்ன ஆசை' என்ற பாடலை பாடியவர் மின்மினி. இந்த பாடல் மூலம் மின்மினியும் ரசிகர்கள் மனதில் இடம்பிடித்தார். இவர் 1989-ம் ஆண்டு மலையாளத்தில் வெளியான ஸ்வாகதம் படத்தின் மூலம் பாடகியாக அறிமுகமானார்.
இவர் இளையராஜா உடன் இணைந்து 'மீரா' என்ற படத்தில் பாடியுள்ளார். ஆனால் இவருக்கு அடையாளம் கொடுத்தது ரஹ்மானுடன் பாடிய 'சின்ன சின்ன ஆசை' என்ற பாடல் தான்.
பேட்டி
இந்நிலையில், மலையாள டிவி ஷோவில் கலந்து கொண்ட மின்மினி இளையராஜா குறித்து பேசியுள்ளார். அதில் அவர், " ரஹ்மானுடன் பாடிய 'சின்ன சின்ன ஆசை' என்ற பாடல் பெரிய ஹிட் ஆனதால் இளையராஜா அவருக்கு வாய்ப்பு தரவில்லை" என்று கூறியுள்ளார்.
வேறு இடத்தில் பாடத் தொடங்கியதால் இனி அங்கேயே செல் என இளையராஜா அவரிடம் காட்டமாக கூறியதாக மின்மினி தெரிவித்துள்ளார். மேலும், ஒரு பாடல் ரெக்கார்டிங் சென்றிருந்தபோது தான் இளையராஜா அவரை திட்டினார் என்றும் அப்பொழுது அங்கு பாடிக்கொண்டிருந்த மனோ தான் தன்னை சமாதானம் படுத்தியதாக கூறியுள்ளார்.
