கல்யாணம்னு பேசினாலே பதற்றம்தான்...ஸ்ருதி ஹாசனின் காதலர்!

திருமண எண்ணம் தங்களை மிகவும் பதற்றமடைய செய்வதாக ஸ்ருதி ஹாசனின் காதலர் சாந்தனு கூறியிருக்கிறார்.

ஸ்ருதிஹாசன்

உலக நாயகன் கமலின் மூத்த மகளான ஸ்ருதிஹாசன், தென்னிந்திய திரையுலகில் பிஸியான நடிகைகளில் ஒருவராக வலம் வந்து கொண்டிருக்கிறார். தமிழ், தெலுங்கு, இந்தி மொழி படங்களில் பிசியாக நடித்து வரும் ஸ்ருதிஹாசன், தற்போது திரையுலகில் 13 ஆண்டுகளை நிறைவு செய்துள்ளார்.

சோஷியல் மீடியாவில் ஆக்டிவாக விளங்கும் ஸ்ருதிஹாசனுக்கு அதிகப்படியான ரசிகர்கள் பட்டாளமும் உள்ளது. ஸ்ருதி ஹாசன் தற்போது மும்பையை சேர்ந்த டூடுல் கலைஞரான சாந்தனு ஹசாரிகா என்பவரை காதலித்து வருகிறார்.

காதலர்  சாந்தனு

இருவரும் ஒன்றாக மும்பையில் வாழ்ந்து வருகின்றனர். இந்நிலையில் ஸ்ருதி ஹாசன் காதலர் பேட்டி ஒன்றில் திருமணம் குறித்து தெரிவித்துள்ள கருத்து இணையத்தில் வைரலாகி வருகிறது. தனியார் ஊடகம் ஒன்றில் பேசிய சாந்தனு,

“நான் சென்னையில் என்ஜினியரிங் படித்தேன், கலைத் தொழிலைத் தொடர்வதற்காக படிப்பை பாதியிலேயே நிறுத்தினேன். சென்னை நகரம் கலாசாரம் நிறைந்தது. நகரத்தின் கட்டடக்கலை, குறிப்பாக கோயில்கள் எனக்கு மிகவும் பிடிக்கும்.

திருமண பதற்றம்

நுணுக்கங்கள், சிற்பங்கள், வண்ணங்கள், கட்டடக்கலை என அனைத்தும் என்னை ஈர்க்கின்றன. நவீன கட்டடக்கலை மற்றும் அழகிய கோயில்களின் கலவையில் சென்னை நகரம் திகழ்கிறது. திருமணத்தைப் பற்றி பேசினாலே எனக்கும் ஸ்ருதிக்கும் பதற்றம் தொற்றிக் கொள்கிறது.

ஒரு கலைஞனாக, எந்த விதமான சமூகக் கட்டமைப்பையும் புரிந்துகொள்வது கடினம். நான் எப்போதும் சுதந்திரமாக, எல்லாவற்றையும் வெளிப்படுத்தி வாழ்ந்து கொண்டிருக்கிறேன். அதைப் புரிந்துகொள்ளும் துணை இருப்பது ஆச்சரியமாக இருக்கிறது.

எங்கள் உறவு கலையை அடிப்படையாகக் கொண்டது”. இவ்வாறு அந்த பேட்டியில் தெரிவித்துள்ளார் சாந்தனு ஹசாரிகா.