தமிழகத்திற்கு காவிரி நீரை மத்திய அரசுதான் பெற்றுத் தர வேண்டும் - செல்வப்பெருந்தகை!

தமிழகத்திற்கு தேவையான காவிரி நீரை மத்திய அரசுதான் பெற்றுத் தர வேண்டும்” என்று செல்வப்பெருந்தகை தெரிவித்துள்ளார்.

செல்வப்பெருந்தகை 

பெருந்தலைவர் காமராஜரின் 122-வது பிறந்த நாள் இன்று உற்சாகத்துடன் கொண்டாடப்பட்டது. இதையொட்டி சென்னை பல்லவன் இல்லம் எதிரே ஜிம்கானா கிளப் முன்பு உள்ள காமராஜர் சிலைக்கு கீழே,

மலர்களால் அலங்கரித்து வைக்கப்பட்டிருந்த அவரது உருவப் படத்திற்கு தமிழக காங்கிரஸ் தலைவர் செல்வப்பெருந்தகை மலர் தூவி மரியாதை செலுத்தினார். இதனையடுத்து அவர் செய்தியாளர்களை சந்தித்தார்.

ஆம்ஸ்ட்ராங் கொலை வழக்கு நேர்மையாக, நியாயமாக நடைபெற வேண்டும் - டிடிவி தினகரன்!

காவிரி நீர் 

அப்போது பேசிய செல்வப்பெருந்தகை “தமிழகத்துக்கு உரிய காவிரி நீரை திறந்துவிட வேண்டும் என்று காவிரி மேலாண்மை ஆணையம் மற்றும் காவிரி ஒழுங்காற்று குழு உத்தரவிட்டுள்ளது.

ஆனால், அந்த உத்தரவை செயல்படுத்த வேண்டிய கர்நாடக அரசு தொடர்ந்து மறுப்புத் தெரிவித்து வருகிறது. இந்நிலையில், தமிழகத்திற்கு தேவையான காவிரி நீரை மத்திய அரசுதான் பெற்றுத் தர வேண்டும்” என்று தெரிவித்துள்ளார்.