கடந்த காலத்தில் சில தவறுகள் செய்துள்ளேன்; அது உண்மைதான் - மனம் திறந்த சமந்தா
Karthikraja
in பிரபலங்கள்
நடிகை சமந்தா தனது கடந்த காலத்தில் சில தவறு செய்துள்ளதாக பேசியுள்ளார்.
சமந்தா
பானா காத்தாடி படம் மூலம் தமிழ் சினிமாவில் கதாநாயகியாக அறிமுகமான சமந்தா, பல வெற்றிப்படங்கள் மூலம் தமிழ், தெலுங்கு சினிமாவில் முன்னணி நடிகையாக வலம் வருகிறார்.
தற்போது ‘சிட்டாடல் ஹனி பனி’(Citadel: Honey Bunny) என்ற வெப் சீரிஸில் நடித்துள்ளார். நவம்பர் 7 ஆம் தேதி அமேசான் ஓடிடி தளத்தில் இந்த வெப் சீரிஸ் வெளியாக உள்ளது.
கடந்த கால தவறுகள்
இதற்கான ப்ரோமோஷன் நிகழ்வில் கலந்து கொண்ட சமந்தா, தனது கடந்த காலம் குறித்து மனம் திறந்து பேசியுள்ளார்.
இதில் பேசிய அவர், "நான் கடந்த காலத்தில் சில தவறுகளை செய்தேன் என்பதை ஒப்புக்கொள்கிறேன். அது உண்மைதான். இன்னும் சொல்லப்போனால் கடந்த காலத்தில் எனக்கு சில விஷயங்கள் சரியாக அமையவில்லை. அந்தத் தோல்வியை நான் ஏற்றுக்கொள்கிறேன்" என பேசியுள்ளார்.
சமந்தா தனது கடந்த கால திருமண வாழ்வு குறித்து பேசியுள்ளாரா அல்லது தான் நடித்த படங்கள் குறித்து பேசியுள்ளாரா என ரசிகர்கள் விவாதித்து வருகின்றனர்.
