ரூ.16,000 கோடியில் பிரம்மாண்ட ஹோட்டல்; 25 ஆண்டுகளாக திறக்கப்படவில்லை - ஏன் தெரியுமா?

வடகொரியாவின் உள்ள Ryugyong என்ற பிரம்மாண்ட ஹோட்டல் பற்றிய தகவல்.

பிரம்மாண்ட ஹோட்டல்

வடகொரியாவின் தலைநகரான Pyongyang-ல் Ryugyong என்ற ஹோட்டல் அமைந்துள்ளது. வானளாவிய 1082 அடி உயரம் கொண்ட இந்த கட்டிடத்தில், 3000 அறைகள் காட்டும் திட்டம் இருந்தது. இந்த ஹோட்டலின் கட்டுமானம் கடந்த 1987-ம் ஆண்டு தொடங்கியது.

பின்னர் 2 வருடங்கள் கழித்து திறக்கப்படுவதாக இருந்தது. இது சரியான நேரத்தில் கட்டி முடிக்கப்பட்டிருந்தால், உலகின் மிக உயரமான ஹோட்டலாக இருந்திருக்கும். ஆனால், 25 ஆண்டுகளுக்கும் மேலாக காலியாகவே உள்ளது. 

அடுத்தடுத்து 9 குழந்தைகளை பெற்றெடுத்த பெண் - 10-வது பிரசவத்தில் நிறைவேறிய ஆசை!

என்ன காரணம்?

இந்த கட்டிடம் இந்திய மதிப்பில் ரூ.16,000 கோடிக்கு மேல் செலவழிக்கப்பட்டு கட்டப்பட்டுள்ளது. ஆனால், சோவியத் ஒன்றியத்தின் வீழ்ச்சிக்குப் பிறகு வட கொரியா பொருளாதார நெருக்கடியை எதிர்கொண்டதால் 1997-ல் கட்டுமானம் நிறுத்தப்பட்டது.

இந்த ஹோட்டல் உள்ளே முற்றிலும் காலியாக இருப்பதாக நம்பப்படுகிறது. இந்த கட்டிடத்தில் சில குறைபாடுகளும் இருக்கிறது. இதன் லிப்ட் ஷாஃப்ட் ‘வளைந்து’ விடப்பட்டதாகவும், அதன் தளங்கள் சாய்வாக இருப்பதாகவும் கூறப்படுகிறது. 

இந்நிலையில் கடந்த 2018-ம் ஆண்டு கட்டிடத்தில் எல்இடி பேனல்கள் நிறுவப்பட்டன. இதனையடுத்து வட கொரிய அரசாங்க பிரச்சாரத்திற்கான மாபெரும் திரையாக இது மாற்றப்பட்டது. மேலும், தற்போது அதற்கு ‘ஹோட்டல் ஆஃப் டூம்’ என்று பெயர் சூட்டப்பட்டுள்ளது.