மாயமான ஹெலிகாப்டர்; சிதைந்த பாகங்கள் - 22 பேர் உயிரிழப்பு!

மாயமான ஹெலிகாப்டரில் 22 பேர் உயிரிழந்துள்ளனர்.

ஹெலிகாப்டர் விபத்து

ரஷ்யாவின் கம்சட்கா பகுதியில் உள்ள வச்கஜெட்ஸ் எரிமலையின் அருகே இருந்து எம்ஐ-8 ஹெலிகாப்டர் புறப்பட்டுச் சென்றது.

இதில், 19 சுற்றுலா பயணிகள் மற்றும் 3 பணியாளர்கள் பயணித்தனர். ஆனால் ஹெலிகாப்டர் புறப்பட்ட சில மணி நேரங்களிலேயே கட்டுப்பாட்டு அறையுடனான தொடர்பை இழந்தது. தொடர்ந்து மாயமானது.

சிறுவனின் நெகிழ்ச்சி செயல்; ஹெலிகாப்டரில் வந்து சர்ப்ரைஸ் கிஃப்ட் கொடுத்த ராணுவம்!

22 பேர் பலி

இதனையடுத்து ஹெலிகாப்டரை தேடும் பணிகள் முடுக்கி விடப்பட்டன. இந்நிலையில், ஹெலிகாப்டரின் சிதைந்த பாகங்கள் வனப்பகுதிக்கு நடுவே கண்டெடுக்கப்பட்டன. அங்கு 17 பேரின் உடல்கள் மீட்கப்பட்டன.

அதன்பின், நீண்ட தேடுதலை தொடர்ந்து மற்ற 5 பேரின் உடல்களும் கண்டெடுக்கப்பட்டன. தற்போது மேற்கொண்ட விசாரணையில் மோசமான வானிலை காரணமாக இந்த விபத்து நேரிட்டிருக்கலாம் என தெரிவிக்கப்பட்டுள்ளது.