150 கிராம் தங்க நகைகள்....துல்கர் பட இயக்குனரிடம் பண மோசடி - அதிர்ச்சி பின்னணி
Karthick
in பிரபலங்கள்
உடன் பணிபுரிந்த உதவி இயக்குனரே பணம் கையாடலில் ஈடுபட்டுள்ளார்.
தேசிங்கு பெரியசாமி
துல்கர் சல்மான், ரித்து வர்மா ஆகியோர் நடிப்பில் வெளியான படம் " கண்ணும் கண்ணும் கொள்ளை அடித்தால்". 2020-ஆம் ஆண்டு பெரிய எதிர்பார்ப்புகள் இன்றி வெளியான இப்படம் விமர்சன ரீதியில் நல்ல வரவேற்பை பெற்று, வசூலையும் குவித்து வெற்றி படமாக அமைந்தது.
இப்படத்தை இயக்கியவர் இயக்குனர் தேசிங்கு பெரியசாமி. முதல் படத்திலேயே கவனமீர்த்த இவர், தற்போது ராஜ் கமல் தயாரிப்பில் நடிகர் சிலம்பரசன் நாயகனாக நடிக்கும் "STR 48" படத்தை இயக்கி வருகின்றார்.
தமிழ் ரசிகர்களிடம் பெரும் எதிர்பார்ப்பை கொண்டுள்ள இப்படத்தின் வேலைகளுக்கு நடுவில் தேசிங்கு பெரியசாமி சென்னை அண்ணா நகர் காவல் நிலையத்தில் புகார் ஒன்றை நேற்று அளித்துள்ளார்.
கையாடல்....
இவர் அளித்த புகாரில், தன்னிடம் கடந்த 2018-ஆம் ஆண்டு முதல் உதவி இயக்குனராக பணியாற்றி வரும் முகமது இக்பால் என்பவரே வீட்டின் கணக்கு வழக்குகளையும் பார்த்து வந்துள்ளார்.
முகமது இக்பாலிடம் இரு நாட்களுக்கு முன்னர் சுமார் 150 கிராம் தங்க நகைகளை கொடுத்து தனியார் நிதி நிறுவனத்தின் அடகு வைத்து பணம் பெற்று வருமாறு அனுப்பிய நிலையில், அடகு வைத்ததில் கிடைத்த 3 லட்ச ரூபாய் பணத்தை முகமது இக்பால் கையாடல் செய்ததாக புகார் அளித்துள்ளார்.
மேலும், பணம் குறித்து முகமது இக்பாலிடம் வினவிய போது, தனக்கும், தனது மனைவிக்கும் அவர் கொலை மிரட்டல் விடுத்ததாகவும் புகாரில் தேசிங்கு பெரியசாமி குறிப்பிட்டுள்ளார். அவர் அளித்த புகாரின் பேரில், அண்ணா நகர் போலீஸார் விசாரணை மேற்கொண்டு வருகின்றனர்.
