எவ்வளவு கெஞ்சியும் ஹன்சிகா அதை செய்ய விடல, ரோபோ சங்கர் பேச்சு - விளாசும் ரசிகர்கள்!

 காமெடி நடிகர் ரோபோ ஷங்கர் மேடையில் ஹன்சிகா குறித்து பேசி சர்ச்சையில் சிக்கியுள்ளார்.

நிகழ்ச்சி

சமீபத்தில் சென்னையில் நடிகர் ஆதி, ஹன்சிகா, யோகி பாபு, ரோபோ சங்கர் நடிப்பில் உருவாகி உள்ள பார்ட்னர் படத்தின் டீசர் வெளியீட்டு விழா நடைபெற்றது. இந்த நிகழ்ச்சியில் கலந்து கொண்ட ரோபோ சங்கர் நடிகை ஹன்சிகா குறித்து அந்த படத்தில் நடந்த ஒரு சம்பவத்தை வெளிப்படையாக கூறியுள்ளார்.

இவர் முதலில், "ஹன்சிகா அவ்ளோ அழகு, அப்படியே பார்க்க மெழுகு சிலை போல இருப்பாங்க. உருட்டி வச்ச மைதா பொம்மை" என்றெல்லாம் கூறி வர்ணித்தார்.

ரோபோ சங்கர் பேச்சு

இதனை தொடர்ந்து, ரோபோ ஷங்கர் பேசுகையில், "பார்ட்னர் படத்தில் ஒரு சீனில் ஹன்சிகாவின் முட்டிக்கு கீழே கால் பகுதியை டச் செய்வது போன்ற காட்சி ஒன்று படத்தில் இருந்தது. ஆனால், அதற்கு அவர் சம்மதிக்கவே இல்லை. நானும், இயக்குனரும் ஹன்சிகாவின் காலில் விழுந்து கெஞ்சியும் அந்த காட்சிக்கு நோ சொல்லி விட்டார்.

கால் விரலையாவது தொட்டுக்கிறேன் என்று கெஞ்சியும் ஹீரோ ஆதி மட்டும் தான் டச்சிங், காமெடி நடிகர் மற்றும் யாரும் நோ டச்சிங் டச்சிங் என ஹன்சிகா சொல்லி விட்டார். அப்போ தான் புரிந்தது ஹீரோ ஹீரோதான். காமெடியன் காமெடியன் தான்" என்று கூறினார். இவர் வெளிப்படையாக மேடையில் பேசியதை பலரும் விமர்சித்து வருகின்றனர்.