அர்ஜூனுக்கு சம்பந்தி ஆன தம்பி ராமையா - இணையத்தை கலக்கும் நிச்சயதார்த்த ஃபோட்டோஸ்!

ஐஸ்வர்யா அர்ஜூன் - உமாபதி நிச்சயதார்த்த புகைப்படங்கள் வைரலாகி வருகிறது.

அர்ஜூன் - உமாபதி 

தமிழில் பட்டத்து யானை படத்தின் மூலம் அறிமுகமானவர் ஐஸ்வர்யா அர்ஜுன். அதன் பின் சொல்லிவிடவா படத்தில் நடித்தார். அதனைத் தொடர்ந்து சினிமாவில் நடிக்காமல் ஒதுங்கி இருந்தார்.

காமெடி நடிகராகவும் குணசித்ர நடிகராகவும் பல படங்களில் நடித்து அசத்தி வரும் தம்பி ராமையாவின் மகன் உமாபதிக்கும், ஐஸ்வர்யாவுக்கும் திருமணம் நடைபெற உள்ளதாக செய்திகள் பரவியது.

 வைரல் ஃபோட்டோஸ்

அதுபோலவே இருவருக்கும் தற்போது நிச்சயதார்த்தம் சென்னையில் நடந்துள்ளது. இதில், நெருங்கிய நண்பர்கள் மற்றும் உறவினர்கள் மட்டுமே கலந்துக் கொண்டனர். இதுதொடர்பான புகைப்படங்கள் இணையத்தில் வைரலாகி வரும் நிலையில்,

ரசிகர்கள் பலரும் இவர்களுக்கு வாழ்த்துக்களை தெரிவித்து வருகின்றனர். உமாபதி, அதாகப்பட்டது மகா ஜனங்களே, மணியார் குடும்பம், திருமணம், தண்ணி வண்டி உள்ளிட்ட படங்களில் நடித்திருந்தார்.

அர்ஜூன் தொகுத்து வழங்கிய சர்வைவர் நிகழ்ச்சியில் உமாபதி போட்டியாளராக பங்கேற்றிருந்தது குறிப்பிடத்தக்கது.