ஸ்டார் ஹோட்டல்.. வெறும் துண்டுடன் சுற்றி திரிந்த ரஜினிகாந்த் - விஜயகாந்த் செய்த செயல்!
Swetha
in பிரபலங்கள்
தயாரிப்பாளர் காஜா மொய்தீன் ரஜினிகாந்த் மற்றும் விஜயகாந்த் பற்றி சுவாரஸ்ய தகவலை பகிர்ந்துள்ளார்.
ரஜினிகாந்த்
இந்திய சினிமாவிலேயே உட்ச நட்சத்திரம் ரஜினிகாந்த் தான். 70 வயதை கடத்தும் இன்னும் திரைபடங்களில் மும்முரமாக நடித்து வருகிறார் ரஜினிகாந்த். தற்போது ரஜினி நடிப்பில் வேட்டையன் படம் வெளியாகியது. அதனையடுத்து இப்போது அவர் லோகேஷ் கனகராஜ் இயக்கத்தில் கூலி என்ற படத்தில் நடித்துவருகிறார்.
இந்நிலையில் ரஜினிகாந்த் பற்றிய சுவாரஸ்ய சம்பவம் ஒன்று தெரியவந்துள்ளது. அதாவது விஜயகாந்த் தென்னிந்திய நடிகர் சங்க தலைவராக இருந்தபோது நடிகர் சங்கத்தின் கடனை அடைப்பதற்கு நட்சத்திர கலை விழா ஒன்றை சிங்கப்பூர் மற்றும் மலேசியாவில் நடத்தினார்.
அதில் ஏராளமான நட்சத்திரங்கள் கலந்துகொண்டனர். அவர்களில் ரஜினிகாந்த்தும் ஒருவர். மலேசியாவில் கலை நிகழ்ச்சியை முடித்துவிட்டு அங்கிருந்து சிங்கப்பூர் செல்ல வேண்டும் என்பது பிளான். அங்கிருந்து பேருந்தில் செல்லலாம் என்று முடிவெடுக்கப்பட்டபோது சில நடிகர்கள் பேருந்தில் வர முடியாது என்று கூறினார்களாம்.
இந்த விஷயம் ரஜினிக்கு தெரியவந்ததும், அனைவரையும் பஸ்ஸில் ஏற சொல்லிவிட்டு முதல் ஆளாக பேருந்தில் ஏறி அமர்ந்துவிட்டாராம். அதன் பிறகுதான் மற்ற நட்சத்திரங்களும் அமர்ந்திருக்கிறார்கள். மொத்தம் ஆறு பேருந்துகள்வரை ஏற்பாடு செய்யப்பட்டிருக்கிறது.
விஜயகாந்த்
ரஜினிகாந்த் ஒவ்வொரு பேருந்துக்கும் சென்று தன்னுடன் வந்தவர்களை உற்சாகப்படுத்தினாராம். சிங்கப்பூர் வந்ததும் ஒரு ஸ்டார் ஹோட்டலில் ரூம் போடப்பட்டிருக்கிறது. அப்போது ரஜினி அங்கும் இங்கும் வெறும் துண்டோடு நடந்துகொண்டிருந்தாராம்.
நிகழ்ச்சி ஏற்பாட்டாளர்களில் ஒருவரான தயாரிப்பாளர் காஜா மொய்தீன் அதை பார்த்து அதிர்ச்சியடைந்து அவரிடம் பேசிய காஜா, 'சார் என்ன சார் இப்படி' என்று கேட்க; அதற்கு ரஜினியோ இல்லை மாறி மாறி பேருந்துகளில் வந்ததில்,
என்னுடைய லக்கேஜ் எதில் இருக்கிறது என்று தெரியவில்லை என்று கூற;இருங்கள் சார் போய் கொண்டு வருகிறேன் என்று சொன்னாராம் காஜா. உடனே இவரோ, 'இல்லை இப்போதான் எல்லோரும் வந்திருக்கிறார்கள்.
கொஞ்சம் நேரம் ஆகட்டும். நான் விஜயகாந்த்திடம் வேட்டி, சட்டை கேட்டிருக்கிறேன். அதுவே போதும் என்று சொல்லி விஜயகாந்த்தின் வேட்டி சட்டையுடன் அந்த நட்சத்திர கலை விழாவில் கலந்துகொண்டாராம். இந்த சம்பவத்தை காஜா அண்மையில் பேட்டி ஒன்றில் பகிர்ந்துள்ளார்.
