ராகுல் காந்தி அணிந்திருந்த டீ சர்ட்; கவனிச்சீங்களா? வைரலாகும் புகைப்படம்!

ராகுல் காந்தி அணிந்திருந்த டீ- சர்ட் பலரது கவனத்தை ஈர்த்துள்ளது.

வயநாடு தேர்தல்

கடந்த லோக்சபா தேர்தலில் ராகுல் காந்தி வயநாடு, ரேபரேலி என இரு தொகுதிகளிலும் போட்டியிட்டு வென்றார். ரேபரேலி தொகுதியைத் தக்கவைக்க முடிவு செய்த ராகுல் காந்தி, வயநாடு தொகுதியில் ராஜினாமா செய்தார்.

தொடர்ந்து ராகுலின் சகோதரி பிரியங்கா காந்தி போட்டியிடுவார் என அறிவிக்கப்பட்டது. சிபிஐ சார்பில் சத்யன் மொகேரி போட்டியிடுகிறார். அதேபோல பாஜக சார்பில் நவ்யா ஹரிதாஸ் களத்தில் உள்ளார்.

அதன்படி, வயநாட்டில் வரும் நவ. 13ம் தேதி இடைத்தேர்தல் நடக்கும் நிலையில், பிரியங்கா காந்திக்காக ராகுல் காந்தியும் பிரசாரம் செய்து வருகிறார். அந்த வகையில் பிரச்சார கூட்டத்தில் பிரியங்கா காந்தி மற்றும் ராகுல் காந்தி ஒன்றாகக் கலந்து கொண்டனர். அப்போது ராகுல் காந்தி அணிந்திருந்த ஐ லவ் வயநாடு டீ சர்ட் பலரது கவனத்தையும் ஈர்த்தது.

தனியார்மயமாக்கல் மூலம் பாஜக அரசு ரகசியமாக இதை செய்கிறது - ராகுல் காந்தி குற்றச்சாட்டு!

கவனம் ஈர்த்த ராகுல் 

அங்கு பேசிய அவர், வயநாட்டுக்கு வந்த பிறகே நான் அரசியலில் அன்பு குறித்துப் பேச ஆரம்பித்தேன். வயநாட்டு மக்கள் என் மீது மிகுந்த அன்பும் பாசமும் வைத்துள்ளதை உணர்ந்தேன். அரசியலில் அன்புக்கு மிக முக்கிய இடம் உண்டு என்பதை வயநாட்டு மக்கள் எனக்குக் கற்றுக் கொடுத்தார்கள்.

அதனால் தான் இந்த டீசர்ட்டை அணிந்து வந்துள்ளேன் என்றார். முன்னதாக பேசிய பிரியங்கா காந்தி, "வயநாடு மக்கள் சரியான அரசியலை அங்கீகரிக்கிறீர்கள். உண்மை என்ன என்பதை உங்களுக்குத் தெரியும். வயநாட்டில் நான் எங்குச் சென்றாலும், சகோதரத்துவம் மற்றும் ஒற்றுமை உணர்வைக் காண முடிகிறது.

மசூதிகள், கோவில்கள், மற்றும் தேவாலயங்கள் அமைதியாக இருக்கின்றன. இந்துக்கள், முஸ்லிம்கள் மற்றும் கிறிஸ்தவர்கள் பாஜகவின் பிளவுபடுத்தும் திட்டத்தை முறியடித்துவிட்டு ஒன்றாக இருக்கிறார்கள்" எனத் தெரிவித்துள்ளார்.