அஜித்துக்கு நல்ல மனசு இருக்கு; ஆனால் ரசிகர்களுக்கு அதை செய்யமாட்டார் - பிரபலம் வெளிப்படை!

திரைப்பட தயாரிப்பாளர் ராஜன் நடிகர் அஜித் குறித்து பேசியுள்ளார்.

தயாரிப்பாளர் ராஜன் 

எஸ்.கே.முரளிதரன் இயக்கத்தில் நடிகை வனிதா விஜயகுமார், யோகிபாபு ஆகியோர் நடிப்பில் தில்லு இருந்தா போராடு என்ற திரைப்படம் விரைவில் வெளியாக இருக்கிறது. இந்த படத்தின் இசை வெளியீட்டு விழா அண்மையில் சென்னையில் நடைபெற்றது.

இந்த விழாவில் தயாரிப்பாளர் ராஜன் கலந்து கொண்டார். இவர் மனதில் பட்டதை வெளிப்படையாக கூறும் சுபாவம் கொண்டவர். அப்போது ராஜன் மேடையில் நடிகர் அஜித்தை பற்றி பேசியுள்ளார். அவர் பேசியதாவது "அஜித்தைப் போல அதிர்ஷ்டக்கார ஹீரோ யாரும் இல்லை.

அஜித்தின் அப்பா, அம்மா என்ன தவம் செய்தார்களோ தெரியவில்லை. அவர் திடீரென ரசிகர் மன்றத்தை கலைப்பார். ரசிகர்கள் மற்றும் பொதுமக்களை சந்திக்கமாட்டார்.

ஹீரோயினுக்கு கிளாமர்; ஆனா எனக்கு அந்தமாதிரியான ரோல் தான் வேணும் - நடிகர் அஜித் பளீச்!

அஜித்துக்கு நல்ல மனசு இருக்கு

முதலமைச்சருக்கு பாராட்டு விழா வைத்தால் வரமாட்டார். அப்படி வந்தாலும், தன்னை கட்டாயப்படுத்தி அழைத்ததாக எல்லார் முன்பும் கூறுவார். ஆனாலும், அவரை ரசிகர்கள் ரூ.500, ரூ.1000 டிக்கெட்டுகள் கொடுத்து ஆதரிக்கின்றனர்.

அஜித்துக்கு நல்ல மனசு இருக்கு. ஆனால், அவர் மீது உயிரையே வைத்திருக்கும் ரசிகர்களை சந்தித்து போட்டோ எடுக்க வேண்டாமா? அஜித் உடன் போட்டோ எடுக்க வேண்டும் என சினிமாவுக்கு வந்த நபர் 'தில்லு இருந்தா போராடு' படத்தில் நுழைந்து விட்டார்.

சினிமாவை எடுக்கும் ஆளுங்க போயிட்டே இருக்கிறார்கள். ஆனால், சினிமாவை காப்பாற்ற புதிது புதிதாக ஆளுங்க வந்து கொண்டிருக்கிறார்கள்” என ராஜன் பேசியுள்ளார் பேசியுள்ளார்.