பொங்கல் பரிசு தொகுப்பு - முக்கிய அறிவிப்பை வெளியிட்ட அமைச்சர்
பொங்கல் பரிசுதொகுப்பு வழங்கும் பணி 25 ஆம் தேதி வரை நீட்டிக்கப்பட்டுள்ளது.
பொங்கல் பரிசு தொகுப்பு
2025 ஆம் ஆண்டுக்கான தமிழக அரசின் பொங்கல் பரிசு தொகுப்பு வழங்கும் பணியை கடந்த 9 ஆம் தேதி முதல்வர் மு.க.ஸ்டாலின் தொடங்கி வைத்தார்.
தமிழ்நாடு முழுவதும் 34,793 நியாயவிலைக்கடைகளில் 2 கோடியே 20 லட்சத்து 94 ஆயிரத்து 585 அரிசி பெறும் குடும்ப அட்டைதாரர்கள், இலங்கை தமிழர் மறுவாழ்வு முகாம்களில் வசிக்கும் குடும்பத்தினருக்கு பொங்கல் பரிசுத்தொகுப்பு வழங்கும் பணி முழுவீச்சில் நடைபெற்று வருகிறது.
நீட்டிப்பு
இதற்காக சுமார் 50,000 கூட்டுறவுத்துறை பணியாளர்கள் பணியில் ஈடுபடுத்தப்பட்டுள்ளனர். நேற்று (18.01.2025) வரை தமிழ்நாடு முழுவதும் 1 கோடியே 87 லட்சத்து 14,464 அரிசி பெறும் குடும்ப அட்டைதாரர்கள், இலங்கை தமிழர் மறுவாழ்வு முகாம்களில் வசிக்கும் குடும்பத்தினருக்கு பொங்கல் பரிசுத்தொகுப்பு வழங்கப்பட்டுள்ளது.
இதன்மூலம் 85 % பணிகள் நிறைவுபெற்றுள்ளது. மீதமுள்ள பயனாளிகளுக்கு பொங்கல் பரிசுத்தொகுப்பு வழங்கும் பணி வரும் 25 ஆம் தேதி வரை நீட்டிக்கப்பட்டுள்ளதாக அமைச்சர் பெரிய கருப்பன் அறிவித்துள்ளார்.
