ஆடைகளை களைத்து போலீஸ் அட்டூழியம் - பெண் தொழிலதிபருக்கு நேர்ந்த அவலம்!

பெண் தொழிலதிபரை ஆடைகளை களைத்து அவமதித்த சம்பவம் அரங்கேறியுள்ளது.

தொழிலதிபர்

பெங்​களூரு​வில் உள்ள பத்ம​நாபா நகரை சேர்ந்த‌ பெண் தொழில​திபர் ஜீவா (33). இவரிடம் கர்​நாடகா போவி மேம்​பாட்டு ஆணையத்​தில் கடந்த 2021-22-ம் ஆண்டில் போவி உறுப்​பினர்​களுக்கு வேலை​வாய்ப்புத் திட்​டத்​தின் கீழ் கடனுக்காக ஒதுக்​கப்​பட்ட நிதி​யில் ஊழல் நடந்​ததாக புகார் எழுந்​தது.

இது தொடர்பாக சிக்​கபள்​ளாப்​பூர், தொட்​டபள்​ளாபூர், கலபுரகி என பல இடங்களில் வழக்​குகள் பதிவானது. இதனிடையே இந்த வழக்​கு சிறப்பு புலனாய்வு பிரிவு போலீ​ஸாரிடம் ஒப்படைக்​கப்​பட்டது. எனவே இது குறித்து கடந்த 14ம் ஜீவாவிடம் போலீ​ஸார் விசாரணை நடத்​தினர்.

இந்த நிலையில், கடந்த வாரம் இரவு தனது வீட்​டில் ஜீவா தற்கொலை செய்​து​கொண்​டார் என தெரியவந்தது. ஆனால் அவர் இறப்பதற்கு முன்பு 11 பக்க தற்கொலை கடிதம் ஒன்று எழுதி​யுள்ளார். அதில்,‘‘கடந்த 14-ம் தேதி முதல் 22-ம் தேதி வரை போலீஸ் விசா​ரணைக்கு ஆஜரானேன்.

பிரமாண்டமாய் வாழ்ந்த தொழிலதிபர் குடும்பம்; விரக்தியில் தற்கொலை - உருக்கமான கடைசி கடிதம்!

அவலம்

அப்போது சிறப்பு புலனாய்வுபிரி​வின் துணை காவல் கண்காணிப்​பாளர் கனகலட்​சுமி என்னை மனரீ​தி​யாக​வும், உடல் ரீதி​யாக​வும் துன்​புறுத்​தினார். விசா​ரணை​யின் போது எனது ஆடைகளை களைந்து, சயனைடு கொண்டு வந்திருக்​கிறேனா? என்று கேட்​டார்.

மேலும், இவ்வழக்​கில் இருந்து என்னை விடுவிக்க ரூ.25 லட்சம் லஞ்சம் கேட்​டார். அவர் அளித்த ஆவணங்​களில் கையெழுத்திட மறுத்​த​தால் கடுமையாக மிரட்​டி​னார்” என குறிப்பிட்டுள்ளார்.

இதை பார்த்து அதிர்ச்சி அடைந்த ஜீவா​வின் சகோதரி சங்கீதா பனசங்கரி போலீசாரிடம் புகார் அளித்​தார். தகவலறிந்து சம்பவம் இடத்திற்கு விரைந்து வந்த போலீ​ஸார் பிரேத பரிசோதனைக்காக ஜீவா​வின் உடலை மருத்துவமனைக்கு அனுப்பி வைத்தனர்.

இந்த புகார் குறித்து விசா​ரித்த போலீ​ஸார், ‘‘பெண் தொழில​திபரை மிரட்டிய சிறப்பு புலனாய்வு பிரிவு துணை காவல் கண்காணிப்​பாளர் கனகலட்​சுமி மீது ஊழல் தடுப்புச் சட்​டம் பிரிவு 7, பார​திய நியாய சன்​ஹிதா பிரிவு 108 ஆகிய​வற்றின் கீழ் வழக்​குப் ப​திவு செய்​யப்​பட்​டுள்​ளது" என்று தெரிவித்துள்ளனர்.