முதுகுவலி ஏன் ஏற்படுகிறது? அதற்கான தீர்வு என்ன? இத பார்த்து தெரிஞ்சிக்கோங்க ..

எடை கூடிய பொருட்களைத் தூக்குதல் முதுகுவலிஏற்படுவதற்கான முக்கிய காரணி. இது அலுவலகங்களில் பாரமான பெட்டிகளைத் தூக்குவோருக்கு மட்டுமல்லாமல் தொடர்ந்து கனமான லாப்டாப் பை, கேமரா பை, மளிகை, கைப்பெட்டி போன்றவற்றைத் தூக்கிச்செல்வோருக்கும் ஏற்படும்.

ஒரே இடத்தில் நீண்ட நேரமாக உட்கார்ந்திருப்பதோ, நிற்பதோ, படுத்திருப்பதோ முதுகிற்கு ஆரோக்கியமானதல்ல. ஆகவே, நேரம் கிடைக்கும்போதெல்லாம் எழுந்து அக்கம் பக்கம் நடந்து சில எளிய நீட்சி பயிற்சிகளை மேற்கொள்ளலாம். இதனால் முதுகுப்புறத்தில் இரத்த ஓட்டம் நன்றாக இருக்கும். ஆகவே முதுகுவலி , முதுகு அழுத்தம் போன்றவை குறைய ஆரம்பிக்கும்.

முடிந்தவரை தோள்களிலுள்ள பாரத்தை குறைக்கவோ, உடலின் இருபுறமும் பாரத்தைப் பிரியுமாறு செய்யவோ அல்லது ஒரு தோளிலிருந்து இன்னொரு தோளுக்கு மாற்றி மாற்றிக்கொண்டோ இருப்பது நல்லது. முதுகுவலி குறைய காலுக்கு இதமான, 1- இன்ச்சுக்கும் குறைந்த ஹீல்ஸ் செருப்புக்களை அணியுங்கள். முதுகு படுக்கையை தொடுமாறு நேராக தூங்குவதால் முதுகுத்தண்டின்மேல் அழுத்தம் கொடுக்கப்படுகிறது.

கால்களை லேசாக உயர்த்திக்கொண்டு தூங்கும் போது இந்த அழுத்தம் குறைகிறது. முழங்காலின் அடியில் தலையணையை வைத்துத் தூங்கும்பொழுது, முதுகின்மீதான அழுத்தம் பாதியாகக் குறைக்கப்படுகிறது. கால்சியம், விட்டமின் D அடங்கிய உணவுகளை உட்கொள்வதால் எலும்புகளை வலுவாக வைத்திருக்கலாம்.

கால்சியம் சத்தானது பால், தயிர், கீரைகளில் கிடைக்கிறது. விட்டமின் D சத்தானது மீன், முட்டையின் மஞ்சள் கரு, பாலாடைக்கட்டி, போன்றவற்றில் கிடைக்கிறது. நாம் நேராக நிற்கும்போதும், தரையில் சமமாக படுக்கும்போது முதுகுத்தண்டின் உட்பாகங்களானது ஆரோக்கியமாக இருக்கும். வளைந்து நிற்கும் மோசமான நிலையினால் முதுகிற்கும் முதுகுத்தண்டிற்கும் அதிக அழுத்தம் கொடுக்கப்படுகிறது.