நள்ளிரவில் ஓபிஎஸ் திடீர் ஆலோசனை - பண்ருட்டி ராமச்சந்திரன் முக்கிய தகவல்!
முன்னாள் முதலமைச்சர் ஓ.பண்ணீர்செல்வம் கூட்டணி குறித்து பேச்சுவார்த்தை நடத்தியதாக தெரியவந்துள்ளது.
மக்களவை தேர்தல்
இந்த ஆண்டின் மக்களவை தேர்தல் விரைவில் நடைபெறும் என்று எதிர்பார்க்கப்படும் நிலையில், தமிழக அரசியல் காட்சிகள் கூட்டணி விவகாரங்களில் தீவிரமாக செயல்பட்டு வருகின்றன.
இந்நிலையில்,தேர்தல் தொடர்பாக நள்ளிரவில் ஆலோசனை செய்த ஓ.பன்னீர்செவல்வம், ஆதரவாளர்களிடம் நாளை விருப்ப மனு பெறவுள்ளதாக தெரியவந்துள்ளது.
கூட்டணி பேச்சுவார்த்தை
இதையடுத்து, செய்தியாளர்களை சந்தித்த பண்ருட்டி ராமச்சந்திரன், நாடாளுமன்றத் தேர்தலில் தங்கள் அணி சார்பில் போட்டியிட விரும்புபவர்களிடம் விருப்ப மனு பெற உள்ளது. தேர்தலில் போட்டியிட விரும்பும் நபர்கள், நாளை காலை 9 மணி முதல் மாலை 4 மணி வரை 10 ஆயிரம் ரூபாயை செலுத்தி பூர்த்தி செய்யப்பட்ட விண்ணப்பத்தை சமர்ப்பிக்க வேண்டும். விண்ணப்பம் அளித்த நபர்களிடம் மாலை 6 மணி முதல் நேர்காணல் நடைபெறும் என்று குறிப்பிட்டுள்ளார்.
மேலும், பாஜகவுடன் கூட்டணி பேச்சு வார்த்தை நடத்த 7 பேர் கொண்ட குழுவை அமைத்து ஓபிஎஸ் உத்தரவிட்டுள்ளார்.
இதில், வைத்திலிங்கம், மனோஜ் பாண்டியன்,ஜே.சி.டி பிரபாகர், தர்மர், கு.ப. கிருஷ்ணன், புகழேந்தி, மருது அழகுராஜ் ஆகியோர் இடம்பிடித்து உள்ளனர்.
