தவெகவுடன் கூட்டணி? அவசரப்படாதீங்க.. முக்கிய அப்டேட் கொடுத்த ஓபிஎஸ்
கூட்டணி தொடர்பாக முக்கிய அறிவிப்பு வெளியிடப்படும் என ஓ.பன்னீர்செல்வம் தெரிவித்துள்ளார்.
யாருடன் கூட்டணி?
பிரதமர் மோடி தமிழ்நாடு வந்த நிலையில், அவரை சந்திக்க ஓ பன்னீர்செல்வம் அனுமதி கேட்டு இருந்தார். ஆனால் ஓ பன்னீர்செல்வத்திற்கு அனுமதி தரப்படவில்லை என்று கூறப்பட்டது.
மேலும், அதிமுக கூட்டணியில் அமமுகவை சேர்க்க வாய்ப்பு இருந்தாலும், ஓபிஎஸை சேர்க்க வாய்ப்பு இல்லை என்று எடப்பாடி பழனிசாமி திட்டவட்டமாகக் கூறிவிட்டார்.
ஓபிஎஸ் அறிவிப்பு
ஓ.பன்னீர்செல்வமும் பாஜகவை கண்டித்து அறிக்கையை வெளியிட்டு வருகிறார். இந்நிலையில் மதுரை விமான நிலையம் வந்த ஓ.பன்னீர்செல்வம் செய்தியாளர்களிடம் பேசுகையில்,
நாளை காலை முக்கிய அறிவிப்பு வெளியிடப்படும். அதுவரை அவசரப்படாமல் பொறுமையாக இருங்கள் என்று தெரிவித்துள்ளார். ஓபிஎஸ் தவெக உடன் கூட்டணி அமைத்தால், அது அதிமுக - பாஜக வெற்றியைக் கணிசமாகப் பாதிக்கும் என்பது குறிப்பிடத்தக்கது.
