இனிமே வாரத்தில் 4 நாட்கள் தான் வேலை.. மீதி நாள் அதை செய்தால் போதும் - அரசு புது திட்டம்!
குழந்தை பிறப்பு விகிதம் குறைந்து வருவதால் ஜப்பான் அரசு புதிய திட்டத்தை அறிமுப்படுத்தியுள்ளது.
4 நாட்கள்..
உலகில் உள்ள பல நாடுகளில் குழந்தை பிறப்பு விகிதம் பெரும் வீழ்ச்சியை எட்டியுள்ளது. இதற்காக ரஷியாவில் தனியாக பாலியல் அமைச்சகத்தையே உருவாக்க அந்நாட்டு அதிபர் புதின் திட்டமிட்டு வருகிறார்.
மேலும், ஜப்பான், சீனா உள்ளிட்ட நாடுகளில் மக்கள் பாலியல் உறவின் மீதும் நீண்ட கால காதல் மற்றும் திருமண உறவில் பெரிது நாட்டம் காட்டுவதில்லை என புள்ளிவிவரங்கள் வெளியாகியுள்ளது. அதிலும், ஜப்பானில் கடந்த ஆண்டில் வரலாறு காணாத அளவில் குழந்தைப் பிறப்பு விகிதம் வீழ்ச்சியடைந்திருக்கிறது.
அரசு திட்டம்
2022ஆம் ஆண்டு பதிவானதைக் காட்டிலும் கடந்த ஆண்டு பிறப்பு விகிதம் 5.6 சதவீதம் குறைந்து 727,277 ஆகப் பதிவாகியுள்ளது. எனவே ஜப்பான் அரசு பிறப்பு விகிதத்தை அதிகரிக்கும் நோக்கத்துடன் வாரத்தில் 4 நாட்கள் மட்டுமே வேலை செய்யும் நடைமுறையை
ஜப்பான் தலைநகர் டோக்கியோவில் உள்ள அரசு அலுவலகங்களில் அறிமுகப்படுத்தவுள்ளதாக டோக்கியோ கவர்னர் யூரிகோ கொய்கே அறிவித்துள்ளார். வருகின்ற 2025 ஏப்ரல் முதல் இத்திட்டம் செயல்படுத்தப்பட உள்ளது.
இதன் காரணமாக ஊழியர்கள் குடும்பத்துடன் அதிக நேரம் செலவிடுவார்கள் என்றும் அவர்கள் உடல் மற்றும் மனதளவில் ஆரோக்கியமாக இருப்பார்கள் என்றும் எதிர்ப்பார்க்கப்படுகிறது.
