ஓலா, ஊபர் ஓட்டுனர்கள் போராட்டம்.. 20 கி.மீ - க்கு ரூ.1200 -ஆக எகிறி ரேட் - பயணிகள் அதிர்ச்சி!

தனியார் செயலியில் 20 கி.மீ - க்கு ரூ.1200 -ஆக அதிகரித்தது அதிர்ச்சியை ஏற்படுத்தியுள்ளது.

போராட்டம்

ஓலா, ஊபர் போன்ற செயலிகளை அரசு ஏற்று நடத்த வேண்டும், வாகனங்களுக்கு மீட்டர் கட்டணம் நிர்ணயித்தல், பைக் டாக்ஸிகளை தடை செய்யவேண்டும் என்று பல்வேறு கோரிக்கைளை முன்வைத்து ஓட்டுனர்கள் போராட்டத்தில் ஈடுபட்டனர். இது தொடர்ந்து 3-ம் நாளாக இந்த போராட்டம் நடந்து வருகிறது.

இதில் நேற்று முன்தினம் சென்னை சின்னமலையில் உள்ள சரக்கு போக்குவரத்து அலுவலகம் முன்பு போராட்டத்தில் ஈடுப்பட்டனர். இன்று சென்னை எழும்பூர் ராஜரத்தினம் விளையாட்டு அரங்கம் அருகே பெரிய அளவிலான ஆர்ப்பாட்டம் நடத்தவுள்ளனர்.

ஒரு இடியாப்பத்தால் வாழ்க்கையே சிக்கலானது.. தம்பதிக்குள் தகராறு - கடைசியில் டுவிஸ்ட்!

விலை உயர்வு

இந்நிலையில், சுமார் 10 ஆயிரம் பேர் வரை கலந்து கொள்வர் என்று ஓலா, ஊபர் சங்கத்தினர் தெரிவித்துள்ளனர். இதில் 1 லட்சத்திற்கும் மேற்பட்ட ஓட்டுனர்கள் செயலியில் இருந்து விலகியுள்ளனர். இதனால் குறைந்த அளவிலான ஓட்டுனர்களே வாகனங்களை இயக்கி வருகின்றனர்.

இதன் விளைவாக கட்டணம் உயர்ந்துள்ளது, போராட்டத்திற்கு முன் 20 கி.மீ தூரத்திற்கு ரூ.400 வசூலிக்கப்பட்டுவந்தது. ஆனால் இன்று ரூ.1,200 முதல் ரூ.1,400 வரை கட்டணம் வசூலிக்கப்படுவதாக பயணிகள் அதிர்ச்சியில் உள்ளனர். இது ஏற்கனவே 2 மடங்கு அதிகரித்துள்ளது, இது மேலும், அதிகரிக்கக்கூடும் என்று கூறப்படுகிறது.