ராமர் நிற புடவையில் வந்த நிதியமைச்சர் - புடவைக்கு பின்னாடி இப்படி ஒரு கதையா..?
மத்திய நிதியமைச்சர் நிர்மலா சீதாராமன் மத்திய இடைக்கால பட்ஜெட்டை தாக்கல் செய்து வருகின்றார்.
இடைக்கால பட்ஜெட்
வரும் நாடாளுமன்ற தேர்தல் இந்தாண்டு நடைபெறவுள்ளதால் இந்த ஆண்டு நாட்டின் முழு பட்ஜெட் தாக்கல் செய்யப்படமாட்டாது. ஆனால், இந்த ஆண்டின் முதல் 3 மாதங்களுக்கான இடைக்கால பட்ஜெட் இன்று நாடாளுமன்ற தாக்கல் செய்யப்பட்டு வருகின்றது.
இன்று பட்ஜெட் தாக்கல் செய்ய வந்த மத்திய நிதியமைச்சர் நிர்மலா சீதாராமன் நீலம் - கீரிம் கலர் புடவையில் வருகை தந்துள்ளார். ராமர் நிற புடவையில் அமைச்சர் நிர்மலா சீதாராமன் இன்று பட்ஜெட்டை வாசித்து வருகின்றார்.
புடவை கதை
இந்த கலர் அதாவது ஹாப் கீரீம் கலர் புடவையில் மத்திய நிதியமைச்சர் நிர்மலா சீதாராமன் நிறைய நேரங்களில் காணப்பட்டுள்ளார். 2019ஆம் தங்க பார்டர் கொண்ட இளஞ்சிவப்பு சேலையை அணிந்திருந்த நிதியமைச்சர் 2020-இல் மெல்லிய நீல பார்டர் கொண்ட மஞ்சள் நிற புடவையில் இருந்தார்.
2021ஆம் ஆண்டில், சிவப்பு மற்றும் வெள்ளை கலரில் பிரபலமான போச்சம்பள்ளி சேலையை அணிந்திருந்த மத்திய நிதியமைச்சர் நிர்மலா சீதாராமன், 2022-இல், பழுப்பு நிற புடவையை அணிந்திருந்தார் என்பது குறிப்பிடத்தக்கது.