முகம் பளிச்சினு இருக்கனுமா? தினமும் நைட் இதை செய்யுங்க போதும்!

சரும பராமரிப்பு குறித்து இப்பதிவில் பார்க்கலாம்.

சரும பராமரிப்பு

பளபளப்பான சருமத்திற்கு இரவு நேர பராமரிப்பு முக்கியமானதாகும். இது கரும்புள்ளிகள் மற்றும் கறைகளை குறைப்பதுடன், சருமத்தின் நிறத்தை மேம்படுத்துகிறது. சருமத்தை இரவு தூங்கும் முன்பாக முதலில் சுத்தம் செய்ய வேண்டும்.

குறிப்பாக, சுத்தம் செய்த பின், உலர்ந்த காட்டன் பேடைப் பயன்படுத்தி சருமத்தைத் துடைத்து, அனைத்தும் அகற்றப்பட்டதா என்பதை சரிபார்க்கலாம். டோனர் பயன்படுத்துவது முகத்தில் எஞ்சியிருக்கும் அசுத்தங்களை அகற்ற உதவுகிறது. விரிந்த துளைகளை சுருக்க நீரேற்றத்தைத் தரக்கூடிய டோனர் பயன்படுத்த வேண்டும்.

கருவளையம் சீக்கிரம் மறையனுமா? இதை பண்ணுங்க போதும்!

என்ன செய்யவேண்டும்?

சருமத்தை ஈரப்பதமாக்குவதற்கும், முகப்பரு, கருவளையம், பருக்கள் அல்லது சுருக்கங்கள் போன்றவற்றை நீக்குவதற்கும் ஈரப்பதமூட்டும் ஃபேஸ் சீரம் பயன்படுத்த வேண்டும். சீரத்தில் ரெட்டினோல், வைட்டமின் சி அல்லது நியாசினமைடு உள்ளதா என்பதைச் சரிபார்க்கலாம்.

சருமத்திற்கேற்ப எந்த சீரம் பயன்படுத்த வேண்டும் என்பதை உறுதிபடுத்திக் கொள்ள வேண்டும். ஹைட்ரேட்டிங் கண் கிரீம் ஒன்றைத் தேர்ந்தெடுப்பதன் மூலம் கண்களுக்குக் கீழே உள்ள பகுதிகளை ஈரப்பதமாக வைத்திருக்கலாம். ஒரு புள்ளி அளவிலான கண் கிரீம் எடுத்து, பின்னர் சிறிய வட்ட வடிவில் மெதுவாக மசாஜ் செய்ய வேண்டும்.

இரவில் முகத்தில் மாய்ஸ்சரைசரைப் பயன்படுத்துவது சருமத்தை நீரேற்றமடையச் செய்வதுடன், சரும செல்களின் மீளுருவாக்கத்தை அதிகரிக்கிறது. சரும வகையின் அடிப்படையில் நைட் ஜெல் அல்லது நைட் க்ரீமைப் பயன்படுத்தலாம். இதன்மூலம் ஆரோக்கியமான, பளபளப்பான சருமத்தைப் பெறலாம்.