பள்ளிக்கூடம் இடிந்து விழுந்து விபத்து..மாணவர்கள் உள்பட12 பேர் பலி - பதைபதைக்கும் சம்பவம்!
பள்ளிக்கூடம் இடிந்து விழுந்த சம்பவத்தில் ஆசிரியர்கள், மாணவர்கள் உயிரிழந்துள்ளனர்.
பள்ளிக்கூடம்
மேற்கு ஆப்பிரிக்காவில் அமைந்துள்ள நாடு நைஜீரியா. இந்நாட்டின் பிலடியோ மாகாணம் பசா பிஜி கிராமத்தில் பள்ளிக்கூடம் ஒன்று இயங்கி வருகிறது. 2 அடுக்குமாடிகளை கொண்ட இந்த பள்ளிக்கூடம் ஆற்றங்கரையோரம் அமைந்துள்ளது.
இந்த பள்ளிக்கூடத்தில் 120க்கும் மாணவ-மாணவிகள் கல்வி பயின்று வருகின்றனர். இந்த நிலையில், பள்ளிக்கூடத்தில் நேற்று வழக்கம்போல் மாணாக்கர்கள் கல்வி கற்றுக்கொண்டிருந்தனர்.
12 பேர் பலி
அப்போது திடீரென பள்ளிக்கூட கட்டிடம் இடிந்து விழுந்து விபத்துக்குள்ளானது. அதில், உள்ளே இருந்த மாணவ-மாணவிகள், ஆசிரியர்கள் இடிபாடுகளுக்குள் சிக்கிக்கொண்டனர். இந்த தகவலறிந்து விரைந்து வந்த மீட்புக்குழுவினர் கட்டிட இடிபாடுகளுக்குள்
சிக்கியவர்களை மீட்கும் பணிகளை தீவிரப்படுத்தினர். மேலும், இடிபாடுகளுக்குள் 100க்கும் மேற்பட்டோர் சிக்கிக்கொண்டிருப்பதால் அவர்களை மீட்கும் பணிகள் துரிதமாக நடைபெற்று வருகிறது.
