இணையத்தை கலக்கும் நயன்தாராவின் கலர்ஃபுல்லான திருமண அழைப்பிதழ் வீடியோ - தெறிக்க விடும் ரசிகர்கள்
தமிழ் சினிமாவின் முன்னணி நடிகைகளில் ஒருவராக உள்ள நடிகை நயன்தாராவும், இயக்குநர் விக்னேஷ் சிவனும் வருகிற ஜுன் 9-ஆம் தேதி திருமணம் செய்து கொள்ள உள்ளனர்.
இருவரும் அண்மையில் திருப்பதிக்கு சென்று சாமி தரிசனம் செய்த வீடியோ காட்சிகள் இணையத்தில் வைரலானது.
இதனையடுத்து, நடிகை நயன்தாரா கும்பகோணத்தில் உள்ள ஆதிகும்பபேஷ்வரர் ஆலயத்தில் தனது காதலர் விக்னேஷ் சிவனுடன் சாமி தரிசனம் செய்தனர்.
நேற்று இயக்குநரும், நடிகை நயன்தாராவின் வருங்கால கணவருமான விக்னேஷ் சிவன் செய்தியாளர்களை சந்தித்தார்.
செய்தியாளர்கள் சந்திப்பு
செய்தியாளர் சந்திப்பில் பேசிய அவர், எங்கள் திருமணம் திருப்பதியில் கிடையாது. சென்னையில் உள்ள மகாபலிபுரத்தில்தான் எங்கள் திருமணம் நடைபெற உள்ளது.திருமணம் முடித்துவிட்டு ஜூன் 11ம் தேதி உங்கள் அனைவரையும் வந்து சந்திக்கிறேன் என்று தெரிவித்தார்.
இந்நிலையில், இயக்குநர் விக்னேஷ் சிவனுக்கும், நடிகர் நயன்தாராவுக்கும் திருமணம் வரும் ஜூன் 9ம் தேதி மகாபலிபுரத்தில் உள்ள பிரபல ரிசார்ட்டில் நடக்க இருக்கிறது.
திருமண ஏற்பாடுகள்
திருமண ஏற்பாடுகள் தற்போது மிகவும் விறுவிறுப்பாக நடந்து வருகிறது. சில விருந்தினர்களுக்கு மட்டும் அழைப்பிதழ்கள் அனுப்பப்பட்டு வருகிறது.
நெருங்கிய குடும்பத்தினர் மற்றும் தொழில்துறையைச் சேர்ந்த நண்பர்கள் முன்னிலையில் திருமணம் நடக்க உள்ளது. இதனையடுத்து, பாதுகாப்பை உறுதி செய்ய சிறப்பு ஏற்பாடுகள் செய்யப்பட்டிருப்பதாக தகவல் வெளியாகி உள்ளது.
வைரலாகும் விக்கி - நயன் திருமண அழைப்பிதழ் வீடியோ
இந்நிலையில், விக்னேஷ் சிவன் - நயன்தாரா வீடியோ வடிவிலான திருமண அழைப்பிதழ் சமூக வலைதளங்களில் வைரலாகி வருகிறது.
Here is the Wedding invitation of #Nayanthara and @VigneshShivN. #Nayantharawedding #VigneshShivan #WikkyNayan pic.twitter.com/IlCZM8Q7hM
— jeanpierre (@Jeanpie77) June 7, 2022
அந்த வீடியோவில், மணமக்கள் பெயர், இருவரின் பெற்றோர் பெயர் மற்றும் திருமணம் நடைபெறும் இடம் குறித்த விவரங்கள் இடம்பெற்றிருக்கின்றன. மேலும் டிரெஸ் கோடும் அதில் குறிப்பிடப்பட்டிருக்கிறது.