விண்வெளியில் நடைபெற்ற ஒலிம்பிக் போட்டி - அசத்தும் விண்வெளி வீரர்கள்
சர்வதேச விண்வெளி நிலையத்தில் விண்வெளி வீரர்கள் விளையாடும் வீடியோ வெளியாகி வைரலாகியுள்ளது.
ஒலிம்பிக் போட்டி
உலகின் மிகப்பெரிய விளையாட்டு திருவிழாவாக கருதப்படுவது ஒலிம்பிக் போட்டி 4 ஆண்டுகளுக்கு ஒரு முறை நடைபெறும். 2024 ஒலிம்பிக் போட்டி பிரான்ஸ் தலைநகர் பாரிஸில் ஜூலை 26 ஆம் தேதி தொடங்கி ஆகஸ்ட் 11 ம் தேதி வரை நடைபெற உள்ளது.
இதில் 206 நாடுகளை சேர்ந்த 10,500 க்கும் மேற்பட்ட வீரர்கள் களம் இறங்குகிறார்கள். இந்தியா சார்பாக 16 விளையாட்டு போட்டிகளில் பங்கேற்க 117 வீரர்கள், வீராங்கனைகள் பங்கேற்று வருகின்றனர்.
விண்வெளி நிலையம்
பிரான்ஸ் தலைநகர் பாரிஸில் நடைபெறும் இந்த ஒலிம்பிக் போட்டி உலக அளவில் கவனம் பெற்றுள்ளதோடு, பூமியை தாண்டி விண்வெளியிலும் கவனத்தை ஈர்த்துள்ளது. சர்வதேச விண்வெளி நிலையத்தில் சுனிதா வில்லியம்ஸ் உட்பட பல்வேறு விண்வெளி வீரர்கள் ஆராய்ச்சி பணிகளுக்காக தங்கியுள்ளனர். இந்த நிலையில், இவர்கள் விண்வெளி மையத்தில் குட்டி ஒலிம்பிக் என அவர்கள் விளையாடும் வீடியோ நாசாவால் வெளியிடப்பட்டுள்ளது.
Let the games begin!
— NASA (@NASA) July 26, 2024
Athletes from across the world are gathering today to kick off the 2024 #Olympics – pushing boundaries and inspiring generations. If you were an Olympic athlete, which sport would you play? pic.twitter.com/mnFC3vpvly
விண்வெளியில், புவியீர்ப்பு விசை இல்லாததால் அங்கு எடையுள்ள ஒரு பொருளை நகர்த்துவது மிகவும் சுலபம். எனவே அவர்கள் எளிதாக பளுதூக்குதல், மற்றவர்களை தூக்குவது, குண்டு எறிதல் உள்ளிட்ட விளையாட்டுகளை விளையாடுவதை பார்க்க முடிந்தது.
