சர்வதேச டி20 கிரிக்கெட்டில் அதிவேக சதம் - சாதனை படைத்த நமீபியா வீரர்!
Jiyath
in கிரிக்கெட்
சர்வதேச டி20 கிரிக்கெட் அதிவேக சதம் விளாசி நமீபியா நாட்டு கிரிக்கெட் வீரர் ஜான் நிகோல் லோஃப்டி-ஈடன் அசத்தியுள்ளார்.
அதிவேக சதம்
நேபாளம், நெதர்லாந்து மற்றும் நமீபியா அணிகளுக்கு இடையிலான முத்தரப்பு சர்வதேச டி20 கிரிக்கெட் தொடர் நேபாள நாட்டில் நடைபெற்று வருகிறது. இந்த தொடரின் நமீபியா-நேபாளம் இடையிலான முதல் போட்டி நேற்று நடைபெற்றது.
இதில் டாஸ் வென்ற நமீபியா அணி முதலில் பேட் செய்தது. இந்த அணியை சேர்ந்த வீரர் ஜான் நிகோல் லோஃப்டி-ஈடன் அதிரடியாக ஆடி 33 பந்துகளில் அதிவேக சதம் கடந்து சாதனை படைத்தார்.
நேபாளம் தோல்வி
தனது இன்னிங்ஸில் 11 பவுண்டரி மற்றும் 8 சிக்ஸர்களை அவர் விளாசியிருந்தார்.இதன் மூலம் நேபாள வீரர் குஷால் மல்லாவின் 34 பந்துகள் சாதனையை அவர் முறியடித்துள்ளார்.
மேலும், இந்த போட்டியில் நமீபியா 4 விக்கெட் இழப்பிற்கு 206 ரன்கள் குவித்தது. இதனையடுத்து களமிறங்கிய நேபாளம் அணி 18.5 ஓவர்களில் 186 ரன்னில் ஆல் அவுட் ஆனது. இதன் மூலம் 20 ரன்கள் வித்தியாசத்தில் வெற்றி பெற்றது.
