ஆசிய கோப்பை - நேபாள அணியில் இடம்பிடித்த ஐபிஎல் டெல்லி கேப்பிட்டல்ஸ் வீரர்!

ஆசிய கோப்பை தொடரில் விளையாட உள்ள நேபாள அணியின் வீரர்கள் விவரம் வெளியிடப்பட்டுள்ளது. 

ஆசிய கோப்பை

ஆசிய கோப்பை கிரிக்கெட் தொடர் வரும் 30ம் தேதி தொடங்கி செப்டம்பர் 17ம் தேதி முடிவடைய உள்ளது. இதற்கான போட்டிகள் பாகிஸ்தான் மற்றும் இலங்கையில் நடைபெறுகிறது.

இந்த தொடரில் இந்தியா, பாகிஸ்தான், இலங்கை, வங்கதேசம், நேபாளம், ஆப்கானிஸ்தான் ஆகிய 6 நாடுகள் விளையாடவுள்ளனர். அந்த வகையில் நேபாளம் அணி தனது முதல் ஆட்டத்தில், போட்டியை நடத்தும் பாகிஸ்தான் அணியுடன் மோதுகிறது.

இந்த போட்டியானது முல்தான் கிரிக்கெட் ஸ்டேடியத்தில் நடைபெறுகிறது. இதை தொடர்ந்து இரண்டாவது ஆட்டத்தில் நேபாளம்- இந்திய அணியுடன் செப்டம்பர் 4ம் தேதி கண்டியில் மோதுகிறது.

நேபாள அணி

இந்நிலையில் இந்த தொடரில் கலந்து கொள்ளும் நேபாள அணியை அந்நாட்டு கிரிக்கெட் வாரியம் அறிவித்துள்ளது. அதில் நேபாள அணியின் கேப்டனாக ஆல்ரவுண்டர் ரோஹித் பவுடல் நியமனம் செய்யப்பட்டுள்ளார்.

ஐபிஎல் தொடரில் டெல்லி அணிக்காக விளையாடிய சுழற்பந்து வீச்சாளர் சந்தீப் லாமிச்சனேவும் அணியில் இடம்பிடித்துள்ளார். நேபாளம் முழு அணியின் விவரம் பின்வருமாறு 'ரோஹித் பவுடல் (கேப்டன்), குஷால் புர்டெல், ஆசிப் ஷேக், பீம் ஷர்கி, குஷால் மல்லா, ஆரிப் ஷேக், திபேந்திர சிங் ஐரி, குல்ஷன் ஜா, சோம்பால் கமி, கரண், சந்தீப் லமிச்சனே, லலித் ராஜ்பன்ஷி, பிரதீஷ் ஜிசி, ஷ்யாம் தாகல், ஜோரா, கிஷோர் மஹதோ மற்றும் அர்ஜுன் சவுத்' ஆகியோர் விளையாட உள்ளனர்.