40 நாம் தமிழர் வேட்பாளர்கள் அறிமுகம்; களமிறங்கும் வீரப்பன் மகள் - எந்த தொகுதியில்?

Naam tamilar kachchi Tamil nadu Seeman Election

By Jiyath Mar 24, 2024 04:10 AM GMT

Jiyath

in தமிழ்நாடு

Report

தமிழ்நாடு மற்றும் புதுச்சேரியில் உட்பட 40 தொகுதிகளுக்கான நாம் தமிழர் வேட்பாளர்கள் அறிமுகம் செய்யப்பட்டுள்ளனர்.

நாம் தமிழர் கட்சி

2024 மக்களவை தேர்தல் நாடு முழுவதும் ஏப்ரல் 19-ம் தேதி தொடங்கி 7 கட்டங்களாக நடைபெற உள்ளது. தமிழகம் மற்றும் புதுவையில் ஏப்ரல் 19-ம் தேதி ஒரே கட்டமாக தேர்தல் நடைபெறுகிறது.

40 நாம் தமிழர் வேட்பாளர்கள் அறிமுகம்; களமிறங்கும் வீரப்பன் மகள் - எந்த தொகுதியில்? | Naam Tamilar Katchi 40 Constituency Candidates

இதற்கான வாக்கு எண்ணிக்கை ஜூன் 4-ம் தேதி நடைபெறவுள்ளது. இதனை முன்னிட்டு தேர்தல் நடத்தை விதிகள் அமலுக்கு வந்துள்ளது. மேலும், தேர்தல் தேதி அறிவிக்கப்பட்டதால் தமிழக தேர்தல் களம் அனல் பறக்க ஆரம்பித்துவிட்டது. இதனிடையே 'கரும்பு விவசாயி' சின்னம் வேறு கட்சிக்கு ஒதுக்கப்பட்டதால், நாம் தமிழர் கட்சிக்கு 'மைக்' சின்னத்தை தேர்தல் ஆணையம் ஒதுக்கீடு செய்தது.

இந்நிலையில் தமிழ்நாடு மற்றும் புதுச்சேரியில் உட்பட 40 தொகுதிகளுக்கான நாம் தமிழர் வேட்பாளர்கள் அறிமுக கூட்டம் சென்னையில் நடைபெற்றது. இதில் அக்கட்சியின் தலைமை ஒருங்கிணைப்பாளர் சீமான், 40 வேட்பாளர்களையும் அறிமுகம் செய்து வைத்தார். இந்த 40 வேட்பாளர்களில் 20 பேர் பெண் வேட்பாளர்கள் ஆவர். மேலும், கிருஷ்ணிகிரியில் வீரப்பன் மகள் வித்யா ராணி போட்டியிடுவதாக அறிவிக்கப்பட்டுள்ளது.