வடிவேலு பெரிய நடிகர்.. ஆனா அவர் இப்படி செய்வாருன்னு கொஞ்சம் கூட நினைக்கல - ஷாக் கொடுத்த பிரபலம்!
Vinothini
in பிரபலங்கள்
பிரபல இசையமைப்பாளர் நடிகர் வடிவேலு குறித்து பேட்டியில் கூறியுள்ளார்.
நடிகர் வடிவேலு
தமிழ் சினிமாவில் காமெடியில் உச்சத்தை தொட்ட நடிகர் தான் வைகைப்புயல் வடிவேலு. இவருக்கென்று பல ரசிகர்கள் கூட்டமே உள்ளது. இவரது நடிப்பினால் உடல் பாவனையாலும் பல ரசிகர்களை ஈர்த்தவர், இவர் சில காலம் சினிமாவில் பிரேக் எடுத்துவிட்டார், ஆனாலும் இவரது காமெடிகள் சுற்றிக்கொண்டே தான் இருந்தது.
மீம்ஸ் கிரியேட்டர்கள் டெம்ப்ளேட்டுக்கு இவரது காமெடி தான் முக்கிய பங்காக உள்ளது. இவர் தற்பொழுது சினிமாவில் கம் பேக் கொடுத்த படம் நாய் சேகர் ரிட்டன்ஸ், ஆனால் இது பெரியளவில் ஹிட் கொடுக்கவில்லை. தொடர்ந்து, இவர் மாமன்னன் படத்தில் உதயநிதியோடு இனைந்து நடித்துள்ளார்.
பிரபலம் பேட்டி
இந்நிலையில், பிரபல இசையமைப்பாளர் பரத்வாஜ் யூடியூப் சேனல் ஒன்றுக்கு பேட்டியளித்தார். அதில் நடிகர் வடிவேலு குறித்து பேசியுள்ளார், அவர் கூறுகையில், "அதில், 2005ம் ஆண்டு பார்த்திபன் வடிவேலு சேர்ந்து நடித்த குண்டக்க மண்டக்க படத்தில் இடம்பெற்ற வந்துட்டான்யா பாடலை வடிவேலுவை பாட சொன்னேன்.
ஆனால் அவர் எனக்கு பாட்டுப்பாட தெரியாது என கூறினார். நான் சொல்வதை அப்படியே திருப்பி சொல்லுங்கள் அதுபோதும் என்று முழுபாடலையும் நான் சொல்ல சொல்ல அவர் திருப்பி பாடி முடித்தார். அதை அப்படியே ரெக்கார்ட் செய்து மெட்டு போட்டுவிட்டு, எடிட் செய்து பாடலை ரெடி பண்ணி, அவருக்கு போட்டு காட்டினோம்.
பாடலை கேட்ட வடிவேலு மகிழ்ச்சியில் அப்படியே திக்குமுக்காடி போய், என் காலில் சட்னு விழுந்துவிட்டார். அந்த நேரத்தில் தான் எனக்கு அவருடைய பெருந்தன்மை தெரிந்தது. ஒரு பெரிய நடிகர் இப்படி செய்வார் என்று நான் நினைக்கவே இல்லை" என்று கூறியுள்ளார்.
