பிரபல இசையமைப்பாளர் திடீர் மறைவு - ஏ.ஆர்.ரஹ்மான் இரங்கல்

இசையமைப்பாளர் ராஜ் உடல் நலக்குறைவால் காலமானார்.

ராஜ் மறைவு

90களில் தெலுங்கு பிரபல இசையமைப்பாளர்களாக வலம் வந்தார்கள் ராஜ் - கோட்டி என்ற இரட்டை இசையமைப்பாளர்கள். தமிழில் ரெண்டு பொண்டாட்டி காவல்காரன் என்ற படத்திற்கு இருவரும் இசையமைத்துள்ளனர்.

இவர்களில் ராஜ் தனியாக 10க்கும் மேற்பட்ட படங்களுக்கு இசையமைத்திருக்கிறார். இந்நிலையில், ராஜ் உடல்நலக்குறைவால் காலமானார். அவருக்கு வயது 68. மாரடைப்பால் மரணமடைந்ததாக கூறப்படுகிறது.

இரங்கல்

இசையமைப்பாளர் ராஜின் மறைவு தெலுங்கு திரையுலகினர் மற்றும் ரசிகர்களிடையே பெரும் சோகத்தை ஏற்படுத்தியுள்ளது. அந்த வகையில் இசையமைப்பாளர் ஏ.ஆர்.ரஹ்மான், "80களில் ராஜ்-கோடியுடன் பணிபுரிந்த இனிமையான நினைவுகளை என்னால் மறக்கவே முடியாது" என பதிவிட்டுள்ளார்.

Rest in peace Somaraju Garu …I can never forget the pleasant memories working with Raj-koti in the 80s ❤️‍??????? pic.twitter.com/xQdwYMyWs1

— A.R.Rahman (@arrahman) May 22, 2023

ராஜ்-கோட்டியிடம் சவுண்ட் இன்ஜினியராக நீண்ட காலம் பணியாற்றியுள்ளார் என்பது குறிப்பிடத்தக்கது.