இசையமைப்பாளர் தேவி ஸ்ரீபிரசாத் மீது பிரபல நடிகை புகார்!

இசையமைப்பாளர் தேவி ஸ்ரீ பிரசாத் இசை ஆல்பம் குறித்து பிரபல தெலுங்கு நடிகை போலீஸில் புகாரளித்துள்ளார்.

தேவி ஸ்ரீ பிரசாத்

தமிழ், தெலுங்கு மொழிகளில் பல திரைப்படங்களுக்கு இசையமைப்பாளராக பணியாற்றியவர் தேவி ஸ்ரீ பிரசாத். இவரது இசையில் திரைப்பட பாடல்கள் அனைத்தும் மாபெரும் வெற்றி பெற்றுள்ளது. சமீபத்தில் புஷ்பா திரைப்படத்தில் ஊ சொல்றியா மாமா என்ற பாடல் ஹிட் கொடுத்தது.

சமீபத்தில் ஓ பேபி என்ற இசை ஆல்பத்தை வெளியிட்டார். இந்த ஆல்பம் தெலுங்கில் ஓ பாரி என்ற பெயரில் வெளியானது. இதனை ரகீப் ஆலம் எழுதியுள்ளார். தற்போது இந்த பாடலில் இடம்பெற்றுள்ள பாடல் வரிகள், இந்து மதத்தினரைப் புண்படுத்துவதாக பிரபல தெலுங்கு நடிகை கராத்தே கல்யாணி ஹைதராபாத் காவல்நிலையத்தில் புகாரளித்துள்ளார்.

பிரபல நடிகை புகார்

அதில், பிரபல இசையமைப்பாளரான தேவி ஸ்ரீ பிரசாத், ஹரே ராமா ஹரே கிருஷ்ணா எனும் இந்து ஸ்லோகங்களை, அவர் சமீபத்தில் வெளியிட்ட தனிப்பட்ட பாடலில் பயன்படுத்தியுள்ளார். இதனால், தானும் தான் சார்ந்த இந்து சமூகம் புண்பட்டுள்ளது என குறிப்பிட்டுள்ளார்.

தொடர்ந்து, இதுகுறித்து சைபர் கிரைம் போலீஸார் விசாரணை நடத்தி வருகின்றனர். முதற்கட்டமாக கராத்தே கல்யாணிக்கு சம்மன் கொடுத்து விசாரணை நடத்த உள்ளனர். அதன்பின் இசையமைப்பாளரிடம் விசாரணை நடத்த உள்ளனர்.