சென்னையில் எம்.எஸ்.தோணி - சிஎஸ்கே வீரர்களுடன் கேக் வெட்டி கொண்டாட்டம்!
Jiyath
in கிரிக்கெட்
சென்னை சூப்பர் கிங்ஸ் வீரர்களுடன் அந்த அணியின் கேப்டன் எம்.எஸ்.தோனி இருக்கும் புகைப்படம் வைரலாகி வருகிறது.
சென்னை அணி
இந்தியாவில் நடைபெறும் ஐபிஎல் தொடரின் 17-வது சீசன் வரும் 22-ம் தேதி தொடங்கவுள்ளது. இந்த தொடரின் முதல் போட்டியில் சென்னை சூப்பர் கிங்ஸ் - ராயல் சேலஞ்சர்ஸ் பெங்களூரு அணிகள் மோதவுள்ளனர்.
இதற்காக சென்னை அணி வீரர்கள் சேப்பாக்கம் மைதானத்தில் பயிற்சி மேற்கொண்டு வரும் நிலையில், அந்த அணியின் கேப்டன் எம்.எஸ்.தோனியும் சென்னை வந்தடைந்தார்.
புகைப்படம் வைரல்
இந்நிலையில் சென்னை அணியின் பந்து வீச்சு ஆலோசகர் எரிக் சைமன்சின் பிறந்தநாளை அந்த அணி வீரர்கள் கேக் வெட்டி கொண்டாடியுள்ளனர். இதில் கேப்டன் எம்எஸ் தோனியும் கலந்து கொண்டார்.
இதுதொடர்பான புகைப்படம் மற்றும் வீடியோவை சிஎஸ்கே அணி தங்களது எக்ஸ் பக்கத்தில் வெளியிட்டுள்ளனர். இந்த புகைப்படங்கள் தற்போது இணையத்தில் வைரலாகி வருகிறது.
