IPL தொடரில் முதல் முறை; தோனிக்கு நேர்ந்த சோகம் - சொதப்பலில் முடிந்த முயற்சி!
Jiyath
in கிரிக்கெட்
நடப்பு ஐபிஎல் தொடரில் எம்.எஸ்.தோனி முதல் முறையாக தனது விக்கெட்டை இழந்துள்ளார்.
சென்னை - பஞ்சாப்
ஐபிஎல் கிரிக்கெட் தொடர் 2024 விறுவிறுப்பாக நடைபெற்று வருகிறது. இந்த தொடரின் நேற்றைய போட்டியில் சென்னை சூப்பர் கிங்ஸ் - பஞ்சாப் கிங்ஸ் அணிகள் மோதின. முதலில் பேட்டிங் செய்த சென்னை அணி 20 ஓவர்கள் முடிவில் 7 விக்கெட்டுகள் இழப்பிற்கு 162 ரன்கள் எடுத்தது.
இதனையடுத்து 163 ரன்கள் என்ற வெற்றி இலக்குடன் களமிறங்கிய பஞ்சாப் அணி 17.5 ஓவர்களில் 3 விக்கெட்டுகளை இழந்து 163 ரன்கள் எடுத்தது. இதன் மூலம் 7 விக்கெட்டுகள் வித்தியாசத்தில் பஞ்சாப் அணி வெற்றி பெற்றது.
எம்.எஸ். தோனி
இந்த போட்டியில் சென்னை அணியின் பேட்டிங் செய்தபோது 18-வது ஓவரில் எம்.எஸ்.தோனி களமிறங்கினார். அவர் 11 பந்துகளில் 14 ரன்கள் குவித்தார். இதில் ஒரு புண்டரி, ஒரு சிக்சர் அடங்கும். கடைசி ஓவரின் கடைசி பந்தில் தோனி 2 ரன்கள் ஓட முயற்சித்து ரன்-அவுட் ஆனார்.
இதன் மூலம் நடப்பு ஐபிஎல் தொடரில் தோனி முதல் முறையாக தனது விக்கெட்டை இழந்துள்ளார். இந்த தொடரில் இதுவரை 10 போட்டிகளில் விளையாடியுள்ள சென்னை அணி, 5 வெற்றிகளுடன் புள்ளிப்பட்டியலில் 4-வது இடத்தில் உள்ளது.
