ரெட்டை கதிரே.. ஒரே பள்ளியில் சேர்ந்த 8 ஜோடி இரட்டையர்கள் - அதுவும் இந்தியாவில்!
மிசோரம் மாநிலத்தில் உள்ள பள்ளி ஒன்றில் புதிதாக 8 ஜோடி இரட்டை குழந்தைகள் சேர்ந்துள்ளனர்.
இரட்டை குழந்தைகள்
மிசோரம் மாநிலத்தின் ஐஸ் வால் பகுதியில் தொடக்கப்பள்ளி ஒன்று இயங்கி வருகிறது. இந்த பள்ளியில் புதிதாக 8 ஜோடி இரட்டை குழந்தைகள் சேர்ந்துள்ளனர். இதில் 4 ஜோடி பெண் குழந்தைகளும், 3 ஜோடி ஆண் குழந்தைகளும் அடங்குவர்.
இதே பள்ளியில் கடந்த கல்வியாண்டில் வெவ்வேறு வகுப்புகளில் 4 ஜோடி இரட்டை குழந்தைகள் பயின்றுள்ளனர் என்பது குறிப்பிடத்தக்கது. மேலும், புதிதாக சேர்ந்துள்ள இந்த 8 ஜோடி இரட்டையர்களில் ஒரு ஜோடி தலைமை ஆசிரியரின் குழந்தைகள் ஆவார்கள்.
புகைப்படம் வைரல்
அவரது மகன் ரெம்ருதிகா மற்றும் மகள் லால்சார்ஜோவி ஆகியோர் எல்கேஜி-யில் சேர்ந்துள்ளனர். இதுகுறித்து அந்த பள்ளியின் தலைமை ஆசிரியர் லால்வென்ட் லுங்கா கூறுகையில் "அதிக அளவாக இந்த ஆண்டு 8 ஜோடி இரட்டையர்கள் சேர்ந்து சாதனை படைத்துள்ளது.
இதனால் நாங்கள் மகிழ்ச்சியடைந்துள்ளோம்" என்று தெரிவித்துள்ளார். தற்போது இந்த 8 ஜோடி இரட்டை குழந்தைகள் தொடர்பான புகைப்படங்கள் சமூக வலைத்தளங்களில் வைரலாகி வருகிறது.
Neeya Naana: குடும்ப சுமையை தாங்கும் பெண்களின் ஆதங்கம் - பேச முடியாமல் நடுங்கிய படி அழுத அம்மா Manithan
