சகோதரிகளுக்கு பாலியல் வன்கொடுமை - கதறியும் விடாமல் இளைஞர்கள் கொடூரம்!
சகோதரிகளை கடத்தி கூட்டு பாலியல் வன்கொடுமை செய்த சம்பவம் அரங்கேறியுள்ளது.
கூட்டு பாலியல் வன்கொடுமை
உத்தரபிரதேசம், பாதேப்பூர் கிராமத்தைச் சேர்ந்த 15 மற்றும் 16 வயது சகோதரிகள் அருகில் நடந்த திருவிழாவை பார்க்கச் சென்றுள்ளனர். அதன்பின் வீடு திரும்பியபோது 8 பேர் கொண்ட கும்பல் அவர்களை பின் தொடர்ந்துள்ளனர்.
தொடர்ந்து ஆள் இல்லாத பகுதியில் இருவரையும் கடத்தி கூட்டு பாலியல் வன்கொடுமை செய்துள்ளனர். அதில் 2 பேரும் விட்டுவிடும் படி கதறியுள்ளனர். ஆனாலும் அந்த கும்பல் அவர்களை விடவில்லை. இதன் சத்தம் கேட்டு வந்த கிராம மக்கள் அவர்களை மீட்டு அந்த கும்பலை மடக்கி பிடித்தனர்.
6 பேர் கைது
அதனையடுத்து சம்பவ இடம் விரைந்து வந்த போலீஸார் 6 பேரையும் கைது செய்தனர். கைதானவர்கள் 22 வயதில் இருந்து 26 வயதுக்கு உட்பட்டவர்கள் எனக் கூறப்படுகிறது. மேலும் தப்பித்த 2 பேரை தீவிரமாக தேடி வருகின்றனர்.
பாதிக்கப்பட்ட சிறுமிகள் மோசமான நிலையில் மருத்துவமனையில் சிகிச்சை பெற்று வருகின்றனர். விசாரணையில் சகோதரிகளிடம் அத்துமீறியதும், அவர்களது செல்போனை பறித்ததும் தெரியவந்தது.
