எல்லை மீறி போறீங்கடா...! அணிக்கு சரிவராத இஷான் கிஷன் - MI கொடுத்த அதிர்ச்சி தண்டனை
Karthick
in கிரிக்கெட்
5 முறை சாம்பியன் அணியான மும்பை இம்முறை தொடர்ந்து 3 தோல்விகளை கண்டு துவண்டு போயுள்ளது.
மும்பை இந்தியன்ஸ்
அணி நடைபெற்று வரும் ஐபிஎல் தொடரில் விளையாடிய 3 போட்டிகளிலும் தோல்வியடைந்து கடைசி இடத்திற்கு தள்ளப்பட்டுள்ளது மும்பை அணி. இந்த ஆண்டு தொடர் துவங்குவதற்கு முன்பே அந்த அணி பெரும் சிக்கலை சந்தித்தது.
அணிக்கு கேப்டனாக ஹர்திக் பாண்டியா அறிவிக்கப்பட்டது முதல் கடைசியாக வான்கடே மைதானத்தில் நடைபெற்ற ராஜஸ்தான் அணிக்கு எதிரான போட்டி என அனைத்து இடங்களிலும் ரோகித் சர்மா ரசிகர்கள் கடும் அதிருப்தியை வெளிப்படுத்தி வருகின்றார்.
தண்டனை
தொடர்ந்து தோல்வி, ரசிகர்களின் எதிர்ப்பு என துவண்டுபோயுள்ள மும்பை அணி நிர்வாகம் தற்போது அணியின் விக்கெட் கீப்பர் மற்றும் ஓப்பனரான இஷான் கிஷனுக்கு அளித்த தண்டனை இணையத்தில் வைரலாகி வருகின்றது.
அணியின் மீட்டிங்கில் கலந்து கொள்ள தவறிய இஷான் கிஷனுக்கு மும்பை அணியின் சூப்பர்மேன் costume ஒன்று அளிக்கப்பட்டு அவர் அடுத்த போட்டிக்கு செல்லும் போது அதனை அணிய வேண்டும் என தண்டனை கொடுத்துள்ளது.
இஷான் கிஷனும் வேறு வழியின்றி இந்த தண்டனையை ஏற்றுக்கொண்டு இன்று அடுத்த போட்டிக்காக சென்ற போது, அவர் அந்த உடையை அணிந்து சென்றுள்ள வீடியோ தற்போது இணையத்தில் வைரலாகி வருகின்றது.
