பிரமிக்க வைத்த குணா குகை VFX காட்சிகள் - வைரலாகும் வீடியோ!

மஞ்சும்மல் பாய்ஸ்' திரைப்படத்தின் VFX உருவாக்கம் குறித்த விடியோ தற்பொழுது வெளியாகி இணையத்தில் வைரலாகி வருகிறது.

மஞ்சும்மல் பாய்ஸ்

மலையாள இயக்குனர் சிதம்பரம் இயக்கத்தில் 2024 பிப்ரவரி 22ஆம் தேதி 'மஞ்சும்மல் பாய்ஸ்' திரைப்படம் வெளியானது.

இந்த படம் 2006-ம் ஆண்டில் நடக்கும் கதையில் கேரள மாநிலம் எர்ணாகுளத்தின் புறநகர்ப் பகுதியான மஞ்சும்மல்லைச் சேர்ந்த சௌபின் ஷாஹிர், ஶ்ரீநாத் பாஸி, பாலு வர்கீஸ், அஞ்சு குரியன் உள்ளிட்ட நண்பர்கள் `மஞ்சும்மல் பாய்ஸ்' என்ற பெயரில் குழு (கிளப்) ஒன்றை அமைத்து ஜாலியாக வாழ்கிறார்கள்.

வெவ்வேறு பணிகள், பின்னணிகளைச் சேர்ந்த இவர்கள், ஓணம் விடுமுறையில் கொடைக்கானலுக்கு விசிட் அடிக்கிறார்கள். அங்கே குணா குகையின் தடை செய்யப்பட்ட பகுதிக்குள் பிரவேசிப்பவர்கள் சிக்கலில் மாட்டிக்கொள்கிறார்கள்.

மஞ்சும்மல் பாய்ஸ்...நம்பவைத்து ஏமாற்று வேலை - ரசிகர்களை அதிரவைத்த செய்தி

எதிர்பாராத விதமாக அங்கிருக்கும் `சாத்தானின் சமையலறை' எனக் கூறப்படும் பல அடிகள் ஆழமுள்ள குழிக்குள் ஒருவர் விழுந்துவிடுகிறார். அவரை மீட்க நண்பர்கள் நடத்தும் போராட்டமே`மஞ்சும்மல் பாய்ஸ்' என்ற மலையாளத் படத்தின் கதைகளம் ஆகும்.

 VFX காட்சிகள்

இந்த படம் தென்னிந்தியளவில் மிகப்பெரிய வெற்றியைப் பெற்றது.குறிப்பாக தமிழிலேயே இப்படம், ரூ.60 கோடிக்கும் அதிகமாக வசூலித்ததாகக் கூறப்படுகிறது. ஒட்டுமொத்தமாக உலகளவில் ரூ. 225 கோடி வசூலித்து மலையாள சினிமாவின் அதிகம் வசூலித்த திரைப்படம் என்கிற சாதனையை படைத்தது.

இந்த படத்தில் பெரிதும் பாரப்பட்டது கிராஃபிகிஸ் காட்சிகள் தான். இந்த நிலையில், `மஞ்சும்மல் பாய்ஸ்' படத்தில் இடம்பெற்ற குணா குகை காட்சிகள் பலரையும் ஆச்சரியப்படுத்தியது. அதில், கலை இயக்குநரின் பணி முக்கியமாகக் கருதப்பட்டது.

மேலும், விஎஃப்எக்ஸ் குழுவினரின் பணிகளும் தத்ரூபமாக இருந்தன. தற்போது, விஎஃப்எக்ஸ் காட்சிகள் உருவாக்க விடியோவை படக்குழு பகிர்ந்துள்ளது.தற்பொழுது இந்த வீடியோ இணையத்தில் வைரலாகி வருகிறது.