நாளை நமதே...அண்ணன் மு.க.அழகிரியுடன் முதலமைச்சர் மு.க.ஸ்டாலின் சந்திப்பு..!

திடீரென தனது அண்ணன் மு.க.அழகிரியை கோபாலபுரம் இல்லத்தில் முதலமைச்சர் மு.க.ஸ்டாலின் சந்தித்து பேசியதாக தகவல் வெளியாகியுள்ளது.

முதலமைச்சர் தாயார் பிறந்த நாள் 

மறைந்த முன்னாள் முதலமைச்சர் மு.கருணாநிதியின் மனைவியும், முதலமைச்சர் மு.க.ஸ்டாலினின் தாயாருமான தயாளு அம்மாளின் 90வது பிறந்த நாள் இன்று கொண்டாடப்பட்டது.

இதையடுத்து கோபாலபுரம் இல்லத்தில், தயாளு அம்மாளை நேரில் சந்தித்து வாழ்த்து ஆசி பெறுவதற்கு முதலமைச்சர் மு.க.ஸ்டாலின் தனது மனைவி துர்கா ஸ்டாலினுடன் வந்தார்.

இதை தொடர்ந்து பின்னர் சிறிது நேரத்தில் முதலமைச்சரின் சகோதரர் மு.க.அழகிரியும் தனது மனைவி காந்திமதி உடன் தயாளு அம்மாளை சந்தித்து ஆசி பெற இல்லத்திற்கு வருகை தந்தார்.

மு.க.அழகிரியுடன் சந்திப்பு 

நீண்ட நாட்களுக்கு பிறகு முதலமைச்சர் மு.க.ஸ்டாலினும், மு.க.அழகிரியும் ஒரே நிகழ்ச்சியில் பங்கேற்றிருப்பதால், இருவரும் சந்தித்து பேசியிருக்கலாம் என்று எதிர்பார்ப்பு எழுந்தது.

கோபாலபுரம் இல்லத்தில் செய்தியாளர்களை சந்தித்த அமைச்சர் உதயநிதி ஸ்டாலின், முதலமைச்சர் மு.க.ஸ்டாலின் தனது சகோதரர் மு.க.அழகிரியை சந்தித்து பேசியதாக தெரிவித்தார்.