எனக்கு ஒரு சான்ஸ் வாங்கிக்கொடுங்க அண்ணே; கெஞ்சிய வடிவேலு - சாமிநாதன் பேட்டி!
Sumathi
in பிரபலங்கள்
வடிவேலு குறித்த பல தகவல்களை சாமிநாதன் பகிர்ந்துள்ளார்.
நடிகர் வடிவேலு
தமிழ் சினிமாவின் மிகச்சிறந்த முன்னணி நடிகர்களில் ஒருவர் வடிவேலு. தன்னுடைய காமெடிகளில் தன்னை தானே தாழ்த்திக்கொண்டு மக்களை சிரிக்க வைத்தார்.
சில பிரச்சனைகளால் இடையில் சில வருடங்கள் எந்தப் படத்திலும் நடிக்காமல் இருந்தார். அதன்பின், நாய் சேகர் ரிட்டர்ன்ஸ் படத்தின் மூலம் ரீ என் ட்ரி கொடுத்தார். தொடர்ந்து மாமன்னன், சந்திரமுகி 2 ஆகிய படங்களில் நடித்தார். தற்போது சில படங்களில் கமிட்டாகியிருக்கிறார்.
இந்நிலையில் இவர் குறித்து பேசியுள்ள லொல்லு சபா சாமிநாதன், "ராஜ்கிரண் ஆஃபிஸில் ஆஃபிஸ் பாயாக வடிவேலு இருப்பார். அப்போதெல்லாம் நான் அங்கு போகும்போது; அண்ணே எனக்கு ஒரு சான்ஸ் வாங்கிக்கொடுங்க அண்ணே என்றுதான் கேட்பார்.
சாமிநாதன் பேட்டி
பிறகு படிப்படியாக வளர்ந்துவிட்டார். ஷூட்டிங் ஸ்பாட்டில் நான் டயலாக் பேசுவதற்கு முன்பு என்னிடம் வந்த அவர், என்னங்க டயலாக்லாம் பார்த்துட்டீங்களா என்று கேட்டார். நானும் ஆமாம் என்று சொன்னேன். பிறகு நான் அதை சொல்ல ஆரம்பிக்கும்போதே கொஞ்சம் மாத்துங்க நல்லா இல்லை என்று சொல்லிக்கொண்டே இருந்தார்.
ஒருகட்டத்தில் நான் அவரிடம், வடிவேலு நீங்கள் நல்ல நடிகர்தான். நான் முதலில் சொல்கிறேன். அதில் ஏதாவது மாற்றம் வேண்டுமென்றால் சொல்லுங்கள் மாற்றிக்கொள்கிறேன்.
இப்படி எதற்கு எடுத்தாலும் நல்லா இல்லை என்று சொல்லாதீர்கள் என்று கூறிவிட்டேன். பிறகு ஒருவழியாக ஹரியின் துணையோடு டேக் ஓகே ஆனது எனத் தெரிவித்துள்ளார்.
