மழையில் விளையாடி கொண்டிருந்த சிறுமி...திடீரென தாக்கிய மின்னல் - பகீர் கிளப்பும் வீடியோ!
மாடியில் சிறுமி விளையாடிக் கொண்டிருந்தபோது மின்னல் தாக்கிய வீடியோ வைரலாகியுள்ளது.
விளையாடிய சிறுமி
தமிழ்நாடு, கேரளா, கர்நாடகா உள்ளிட்ட மாநிலங்களில் தற்போது தென்மேற்கு பருவமழை வெளுத்து வாங்கி வருகிறது. இந்த 3 மாநிலங்களிலும் ஆரஞ்சு எச்சரிக்கை கொடுக்கப்பட்டிருக்கிறது.
இந்த மாறி மழைக்காலங்களில் சிறுவர், சிறுமிகள் மொட்டை மாடியில் மழையில் நனைந்தபடி ரசித்து வீடியோவாக பதிவு செய்வது வாடிக்கையாக இருந்து வருகிறது. அந்த வகையில், கர்நாடக மாநிலம் சித்தமார்க்கி மாவட்டத்தில் பல நாட்களாக வரட்சி நிலவி வந்த நிலையில், செவ்வாய்க்கிழமை முதல் தொடர்ந்து இடைவிடாமல் மழை பெய்து வருகிறது.
தாக்கிய மின்னல்
அப்போது சிறுமி ஒருவர் தனது வீட்டின் மொட்டை மாடியில் மலையில் நனைந்தபடி விளையாடி கொண்டு இருப்பதை வீடியோ எடுத்துக் கொண்டிருந்தார். அந்த சமயத்தில் எதிர்பாராத விதமாக அந்த வீட்டின் கூரை மீது மின்னல் ஒன்று தாக்கியது. நல்ல வேலையாக இந்த சம்பவத்தில் சிறுமிக்கு எந்த காயமும் ஏற்படாமல் உயிர் தப்பினார்.
Lightning Strikes are Real:
— Namma Karnataka Weather (@namma_vjy) June 26, 2024
Take adequate care when you are in the midst of a thunder Storm. Standing under a tree or lamppost, Rain dance on Terrace etc is very dangerous.
Source: @TimesNow pic.twitter.com/oV1rRYBMWK
தற்போது அந்த வீடியோ காட்சிகள் வெளியாகி, இணையத்தில் வைரலாக பரவி வருகிறது. இந்த வீடியோ குறித்து கருத்து தெரிவித்துள்ள வானிலை ஆய்வாளர்கள், மழை பெய்யும் போது வெட்டவெளிகள், மரங்களின் கீழ் அல்லது மொட்டைமாடியில் நிற்பதை தவிர்க்க வேண்டும் என அறிவுறுத்தி வருகின்றனர்.
