பிக்பாஸ் பாலாஜி முருகதாஸை அடிக்க முயன்ற பெண்; சமாதானம் செய்த ஷகீலா - நடந்தது என்ன?

படத்தை பார்த்த பின் பெண் ஒருவர்பாலாஜி முருகதாஸின் சட்டையை பிடித்துள்ள சம்பவம் பரபரப்பை ஏற்படுத்தியுள்ளது.

பாலாஜி முருகதாஸ்

மாடலிங் மூலம் தன்னுடைய கேரியரை துவங்கிய பாலாஜி முருகதாஸ், பிக்பாஸ் சீசன் 6 நிகழ்ச்சி மூலம் பிரபலமானார். 

இந்நிலையில் தற்போது இவர் ரச்சிதா மகாலட்சுமி, சாந்தினி தமிழரசன், சாக்ஷி அகர்வால் ஆகியோருடன் இணைந்து FIRE என்ற படத்தில் நடித்துள்ளார்.

படத்தில் காதலை பிரித்த வில்லன் நடிகர் - ஆத்திரத்தில் திரையரங்கில் வைத்து அறைந்த பெண்

ஆவேசமான பெண்

இந்த படத்தில் பல பெண்களை ஏமாற்றி சிறையில் உள்ள நாகர்கோவில் காசி என்ற கதாபாத்திரத்தில் பாலாஜி முருகதாஸ் நடித்துள்ளார். இந்த படத்தின் பிரத்யேக காட்சி பெண்களுக்காக ஒளிபரப்பப்பட்டது.

இந்த படத்தை பார்த்து விட்டு வெளியே வந்த பெண் டிரைவர் ஒருவர், "நீ இத்தனை பெண்களை ஏமாற்றி இருக்கயே? உன்னை அடிக்கணும் போல இருக்கு" என ஆவேசமாக பாலாஜி முருகதாஸின் சட்டையை பிடித்துள்ளார். அப்போது அருகில் இருந்த ஷகிலா அது சினிமாதான் என அவரை சமாதானம் செய்ய முயன்றுள்ளார். 

இது தொடர்பான வீடியோ இணையதளத்தில் வைரலாகி வருகிறது. இதே போன்று தெலுங்கு படத்தில் காதலை பிரித்த வில்லன் நடிகரை பெண் திரையரங்கில் வைத்து அறைந்த சம்பவம் பரபரப்பை ஏற்படுத்தியது.